Brailvi Books

الدرس الرابع والخمسون
حُروف کا بیان
	ترکیبِ کلمات کے لیے موضوع حُروف کوحروفِ مَبانی ،حروفِ تہجی یا حروف ِھِجَا اور معنی کے لیے موضوع حروف کو حروف مَعانی کہتے ہیں : اَ، بَ، اِنَّ، فِيْ، نَعَمْ۔
حروف معانی کی متعدِّد اَقسام ہیں :
	.1تا .8حروف جارہ، حروف مشبہہ بالفعل،حروف نافیہ، حروف شرط، حروف نواصب،  حروف جوازم،  حروف عطْف، حروفِ استفہام (ان کا بیان گذرچکا)
	.9حروفِ استقبال: یہ دو ہیں : سَاور سَوْفَ:سَیَقُوۡلُ، سَوْفَ تَعْلَمُوۡنَ ۔ (سَاورسَوْفَ  کو حرفِ تنفیس اور حرفِ تسویف بھی کہتے ہیں )
	.10حروفِ تاکید: یہ بھی دو ہیں : نونِ تاکید اور لام ِابتدائیہ۔ نونِ تاکید صرف فعل پراور لام ٗفعل اور اسم دونوں  پر آتاہے: لَأَنْصُرَنَّ، لَزَیْدٌ عَالِمٌ۔
	.11حروف تفسیر: یہ بھی دو ہیں : أَيْ اورأَنْ: رَأَیْتُ لَیْثًا أَيْ  أَسَدًا، اِنْقَطَعَ رِزْقُہٗ أَيْ مَاتَ،وَنٰدَیۡنٰہُ اَنْ یّٰۤاِبْرٰہِیۡمُ، أَمَرْتُہٗ أَنْ أَکْرِمِ الْعُلَمَاءَ۔(م: ۱۱۹)
	.12حروفِ تحضیض:  وہ حروف جن کے ذریعے کسی کام پرڈانٹا یا اُبھارا جائے، یہ چار حروف ہیں : ھَلاَّ، أَلَّا، لَوْلَااور لَوْمَا: ھَلاَّ أَدَّبْتَ زَیْدًا، لَوْلَا تَتْلُو الْقُرْاٰنَ۔
	.13حروف مصدر:  وہ حروف جو مابعد سے ملکر مصدر کامعنی دیتے ہیں ، یہ تین ہیں : مَا، أَنْ، أَنَّ: اَلْحَمْدُ عَلٰی مَا أَنْعَمَ، یُمْکِنُ أَنْ تَفُوْزَ، عَلِمْتُ أَنَّہٗ قَائِمٌ۔
	.14حرفِ رَدع : وہ حرف جومخاطب کو ڈانٹنے اور اُسے اُس کی بات سے روکنے