Brailvi Books
 |
خُلَاصَۃُ النَّحْو |
21 - 107
الدرس التاسع والأربعون اِضافت کا بیان اِضافت کی دو قسمیں ہیں : ۱۔اِضافتِ لفظیہ ۲۔ اِضافتِ معنویہ۔ جس اِضافت میں صفَت کا صیغہ معمول (فاعل یا مفعول بہ)کی طرف مضاف ہو اُسے اِضافتِ لفظیہ یااِضافتِ مجازیہ کہتے ہیں : زَیْدٌ حَسَنُ الْوَجْہِ۔ اورجس اِضافت میں صفَت کا صیغہ معمول کی طرف مضاف نہ ہواُسے اِضافتِ معنویہ یااِضافتِ حقیقیہ کہتے ہیں : خَالِدٌ غُلامُ زَیْدٍ، بَکْرٌ کَاتِبُ الْقَاضِيْ۔ اضافت معنویہ کی تین اقسام ہیں (۹): .1اِضافت بمعنی فِيْ: وہ اِضافت جس میں مضاف اِلیہ مضاف کے لیے ظرف ہو: صَلٰوۃُ اللَّیْلِ۔(اِس صورت میں مضاف اِلیہ سے پہلے فِيْپوشیدہ ہوتا ہے) .2 اِضافت بمعنی مِنْ: وہ اِضافت جس میں مضاف اِلیہ مضاف کی جنس ہو: خَاتَمُ فِضَّۃٍ۔ (اِس صورت میں مضاف اِلیہ سے پہلے مِنْپوشیدہ ہوتاہے) .3اِضافت بمعنی لام: وہ اِضافت جس میں مضاف اِلیہ مضاف کیلئے نہ ظرف ہو نہ جنس : غُلامُ زَیْدٍ۔(اِس صورت میں مضاف اِلیہ سے پہلے لامپوشیدہ ہوتا ہے) قواعد وفوائد: .1اِضافتِ لفظیہ میں مضاف ‘تثنیہ یاجمع مذکر سالم کاصیغہ ہویامضاف اِلیہ معرَّف باللام ہوتومضاف پراَلْ آسکتا ہے: جَاءَ الضَارِبَا وَلَدٍ، جَاءَ الضَارِبُ الْوَلَدِ۔(ض) .2اضافت لفظیہ کی وجہ سے مضاف معرفہ یا نکرہ مخصوصہ نہیں بنتا(۱۰)۔