Brailvi Books
 |
فیضانِ اِحیاءُ العُلوم |
219 - 325
وجہ سے بیہوش ہو کر گر پڑتے اور کئی دنوں تک ان کی عیادت ہوتی ایک دن آپ (رضی اﷲ تعالیٰ عنہُ) نے زمین سے ایک تنکا اٹھایا اور فرمایا کاش میں یہ تنکا ہوتا کاش میرا ذکر نہ ہوتا کاش مجھے بھلا دیا گیا ہوتا کاش مجھے میری ماں جنم نہ دیتی۔ نیز حضرت سیدنا عمر فاروق رضی اﷲ تعالیٰ عنہ کے چہرے پر آنسو کی دو سیاہ لکیریں تھیں آپ (رضی اﷲ تعالیٰ عنہُ) فرماتے جو اﷲ تعالیٰ سے ڈرتا ہے وہ اپنا غصہ نہیں نکالتا اور جو اﷲ تعالیٰ کے ہاں تقویٰ اختیار کرتا ہے وہ اپنی مرضی نہیں کرتا اور اگر قیامت نہ ہوتی تو ہم کچھ اور ہی دیکھتے۔ اور جب حضرت سیدنا عمر فاروق رضی اﷲ تعالیٰ عنہ نے یہ آیت کریمہ تلاوت فرمائی۔
اِذَا الشَّمْسُ کُوِّرَتْ ۪ۙ﴿۱﴾
ترجمہ کنزالایمان: ''جب دھوپ لپیٹی جائے گی'' یعنی سوره تکویر پڑھتے ہوئے اس کی آیت۔
وَ اِذَا الصُّحُفُ نُشِرَتْ ﴿۪ۙ۱۰﴾