Brailvi Books

سامنے سونے کے بڑے شہر اور بڑے بڑے مَحلَّات دیکھ رہا ہوں جوموتیوں سے آراستہ ہیں یہ شہر اور عُمدہ مَحلَّات کس پیغمبر یا صِدّیق یا شہید کے لئے ہیں ؟  اللہ عَزَّوَجَلَّ فرمائے گا: یہ اُس کے لئے ہیں جوان کی قیمت ادا کرے ۔ بندہ عرض کریگا : ان کی قیمت کون ادا کرسکتا ہے ؟  اللہ عَزَّوَجَلَّ فرمائے گا : تُو ادا کر سکتا ہے ۔ وہ عرض کریگا : کس طر ح ؟ اللہ عَزَّوَجَلَّ فرمائے گا: اِس طرح کہ تُواپنے بھائی کے حُقُوق مُعاف کردے۔ بندہ عرض کریگا: یااللہ عَزَّوَجَلَّ ! میں نے سب حُقُوق مُعاف کئے۔ اللہ عَزَّوَجَلَّ فرمائے گا : اپنے بھائی کا ہاتھ پکڑواور دو نوں اِکٹھّے جنَّت میں چلے جاؤ۔ پھر سرکار ِنامدار ، دو عالم کے مالک ومختار ،شَہَنْشاہِ ابرار صلَّی اللہ تعالیٰ علیہ واٰلہٖ وسلَّم نے فرمایا : اللہ عَزَّوَجَلَّ سے ڈرو اور مخلوق میں صُلْح کرواؤ کیونکہ اللہ عَزَّوَجَلَّ بھی برو زِ قِیامت مسلمانوں میں صُلْح کروائے گا۔