Brailvi Books

حضرت ابو ہريرہ رضی اللہ تعالیٰ عنہ سے مروی ہے کہ شہنشاہ خوش خصال، پیکر حسن وجمال، دافع رنج و ملال، صاحب جودو نوال، رسول بے مثال بی بی آمنہ کے لالصلی اللہ تعالیٰ علیہ وسلم نے فرمايا: مسکين وہ نہيں جسے ايک دو لقمے يا ايک دو چھوہارے لوٹا دیں بلکہ مسکين وہ ہے کہ اتنا نہ پائے جو اسے لوگوں سے بے نیاز کردے اور اُسے پہچانا بھی نہ جائے کہ اُسے صدقہ ديا جائے اور نہ ہی خود اٹھ کر لوگوں سے سوال کرے۔

    يعنی جس مسکينيت پر ثواب ہے اور صابروں کے زمرہ ميں داخل ہے وہ يہ بھکاری فقير نہيں ہے بلکہ يہ تو عام حالات ميں اسی سوال پر گنہگار ہے کہ جب وہ بھيک مانگنے کے لئے اتنی دَوڑ دھوپ کرسکتا ہے تو وہ کمانے کے لئے بھی کرسکتا ہے، ہاں صابر وہ مسکين ہے جو حاجت مند ہو مگر پھر کسی پر اپنی حاجت ظاہر نہ کرے، اپنے فقر کو چھپانے کی کوشش کرے، اسی مسکين کی رب تعالیٰ نے قرآن پاک ميں تعريف فرمائی ہے کہ فرمايا: