Brailvi Books

    ابن ابی الدنيا علیہ الرحمۃ فرماتے ہيں کہ ايک شخص نے خواب ميں نبی کريم اکو ديکھا ،آپ افرما رہے تھے کہ بغداد ميں فلاں مجوسی سے جا کر کہو کہ ''تيری دعا قبول ہو گئی ہے۔''تو يہ شخص کہتا ہے کہ ميں بيدار ہو کر سوچنے لگا کہ ميں بغداد کيسے جاؤں؟اسی سوچ و بچار ميں پورا دن نکل گيا اور ميں سو گيا۔دوسری رات بھی يہی خواب ديکھا ۔ جب تيسرے دن بھی يہی خواب نظرآياتو ميں نے سواری لے کر بغداد کا رخ کيا اور اسی مجوسی کے پاس پہنچ گيا اور اس کے پاس جا کر بیٹھ گيا ۔وہ بہت مالدار تھا اس نے پوچھا :''کوئی ضرورت ہے؟''ميں نے کہا :''اکيلے ميں بتاؤں گا ۔''توکچھ لوگ چلے گئے اور اس کے چند ساتھی رہ گئے ۔ميں نے کہا :''انہيں بھی باہر بھیج دو۔'' تو وہ بھی باہر چلے گئے تو ميں نے کہا کہ اللہ عزوجل کے رسول ا کا قاصد ہوں ۔انہوں نے تمہیں پیغام بھیجا ہے کہ ''تمہاری دعا قبول ہو گئی ہے ۔''مجوسی نے حيرت سے پوچھا:''کيا تو مجھے جانتا ہے؟'' میں نے کہا :''ہاں !''اس نے کہا کہ ''ميں تو اسلام اور محمداکی رسالت کا منکر ہوں ۔'' ميں نے کہا کہ'' تم اس طرح کہہ رہے ہو حالانکہ رسول اللہ نے مجھے تمہارے پاس