Brailvi Books
 |
سینگوں والی دلہن |
شيطٰن لاکھ سستی دلائے مگراس مضمون کا اوّل تا آخر ضرورمطالعہ فرمائیں۔
اَلْحَمْدُ ﷲعَزَّوَجَلَّ ہم مسلمان ہیں اور مسلمان کی سب سے قیمتی چیز ایمان ہے۔ اعلیٰ حضرت رضی اللہ تعالیٰ عنہ کا ارشاد ہے،جس کو زندگی میں سلْب ایمان کاخوف نہیں ہوتا، نَزْع کے وقت اُس کا ایمان سلْب ہوجانے کا شدید خطرہ ہے ( بحوالہ رسالہ"برے خاتمے کے اسباب ص ۱۴) ا یمان کی حفاظت کا ایک ذریعہ کسی ''مرشدِکامل '' سے مُرید ہونا بھی ہے۔
بَیْعَت کا ثُبوت اَللہ عَزَّوَجَلَّ قرآن پاک میں ارشاد فرماتا ہے۔یَوْمَ نَدْعُوۡا کُلَّ اُنَاسٍۭ بِاِمَامِہِمْ ۚ
( ترجمۂ قرآن کنزالایمان)''جس دن ہم ہر جماعت کو اس کے امام کے ساتھ بلائیں گے''۔(سورۃ بنی اسرائیل آیت نمبر ۷۱) نورُ العِرفان فی تفسیر القرآن میں مفسرِ شہیر مفتی احمد یا ر خان نعیمی رحمۃ اللہ تعالیٰ علیہ اس آیتِ مبارَکہ کی شرح کرتے ہوئے فرماتے ہیں ،'' اس سے معلوم ہوا کہ دنیا میں کسی صالح کو اپنا امام بنالیناچاهئے شَرِیْعَت میں ''تقلید'' کرکے ، اور طریقت میں ''بَیْعَت''کرکے ، تاکہ حَشْر اچھوں کے ساتھ ہو۔ اگر صالح امام نہ ہوگا تو اس کا امام شیطٰن ہوگا۔ اس آیت میں تقلید، بَیْعَت اور مُریدی سب کا ثبوت ہے۔