Brailvi Books

سے پتھران کے خیموں پر برس رہے تھے خیموں کی رسیاں ٹوٹتی جاتی تھیں اور گھوڑے وغیرہ جانور ہلاک ہورہے تھے ابوسفیان جو گویااس وقت ساری جماعتوں کا سردار بن رہا تھا آگ پر سینک رہا تھامیرے دل میں آیا کہ موقع اچھا ہے اس کاکام تمام کر ڈالوں ترکش سے تیر نکال کر کمان میں رکھ بھی دیامگر پھر حضور صلی اللہ تعالیٰ علیہ والہٖ وسلم کا ارشاد یاد آیا کہ کوئی حرکت نہ کرنا دیکھ کر چلے آنا اس لئے میں نے تیر ترکش میں رکھااسکو شبہ ہو گیا کہنے لگا تم میں کوئی جاسوس ہے، ہر شخص نے اپنے برابر والے کاہاتھ پکڑا میں نے جلدی سے ایک آدمی کا ہاتھ پکڑ کرپوچھا تو کون؟ اس نے کہا تو مجھے نہیں جانتا فلاں ہوں۔ میں وہاں سے واپس آیا جب آدھے راستے پر تھا توتقریباً بیس سوار مجھے عمامہ باندھے ہوئے ملے انہوں نے کہا کہ اپنے آقا صلی اللہ تعالیٰ علیہ والہٖ وسلم سے کہہ دینا کہ اللہ عزوجل نے دشمنوں کا انتظام کردیا بے فکر رہیں۔ 

    میں واپس پہنچا تو حضور صلی اللہ تعالیٰ علیہ والہٖ وسلم ایک چھوٹی سے چادر اوڑھے نماز پڑھ رہے تھے یہ ہمیشہ کی عادت شریفہ تھی کہ جب کوئی گھبراہٹ کی بات پیش آتی تو حضور صلی اللہ تعالیٰ علیہ والہٖ وسلم نماز کی طرف توجہ فرماتے نماز سے فراغت پر میں نے وہاں کاجو منظر دیکھا عرض کیا۔ جاسوس کا قصہ سن کردندان مبارک چمکنے لگے حضور صلی اللہ تعالیٰ علیہ والہٖ وسلم نے مجھے اپنے پاؤں مبارک کے قریب لٹا دیا اور اپنی چادر کا ذرا سا حصہ مجھ پر ڈالدیا میں نے اپنے سینے کو حضور صلی اللہ تعالیٰ علیہ والہٖ وسلم کے تلوؤں سے چمٹا لیا۔