Brailvi Books
 |
راہِ خدا میں خرچ کرنے کے فضائل |
27 - 41
xvii۔ غلام آزاد کرنے سے زیادہ اجر لیں گے ،حدیث ۵۵۔ xviii۔ اُ ن کے ٹیڑھے کام درست ہوں گے ،حدیث۲۔ xix۔ آپس میں محبتیں بڑھیں گی،جو ہر خیر خوبی کی متبع (۱) ہیں ،حدیث ۲۳۔ xx۔ تھوڑے صرف (۲) میں بہت کا پیٹ بھرے گا کہ تنہا کھاتے تو دُونااٹھتا(۳)، حدیث ۵۹۔ وفیہ أحادیث لم نذکرھا (۴)۔ xxi۔ اللہ عزوجل کے حضور درجے بلند ہوں گے ۔حدیث ۳۷ تا ۴۶ ،( دس حدیثیں)۔ xxii۔ مولیٰ تبارک و تعالیٰ، ملائکہ سے انکے ساتھ مباہات (۵) فرمائے گا، حدیث ۴۹۔ xxiii۔ روزِقیامت دوزخ سے امان میں رہیں گے ۔حدیث ۲،۳۵،۴۸، (تین حدیثیں)۔آتشِ دوزخ (۶) اُن پر حرام ہوگی،حدیث ۳۵۔ xxiv۔ آخر ت میں احسانِ الہٰی سے بہرہ مند (۷)ہوں گے کہ نہایتِ مقاصد و غایتِ مرادات(۸) ہے،حدیث ۲۷،۲۸۔ xxv۔ خدا نے چاہا تو اس مبارک گروہ میں ہوں گے جو حضور پُرنور سیّدِ عالم سرورِ اکرم صلی اللہ تعالیٰ علیہ وسلم کی نعلِ اقدس کے تصدق(۹) میں سب سے پہلے داخل ِ جنت ہوگا،حدیث ۲۸ ۔
۱۔پیروی کرتی یا اس کے پیچھے پیچھے چلی آتی ۲۔خرچ ۳۔دُگنا خرچ آتا ۴۔ اس بارے میں او ربھی احادیث ہیں جن کا ہم نے ذکر نہیں کیا ۵۔فخر ۶۔دوزخ کی آگ ۷۔فائدہ اٹھانے والے ۸۔مقاصد کی انتہا اورمرادوں کاانجام ۹۔چپل مبارکہ کے صدقے