میٹھے میٹھے اسلامی بھائیو!حدیثِ بالا سے پتا چلا کہ چالیس دن کے اندر اندر یہ کام ضرورکرلیناچاہیے۔ ہفتہ میں ایک بار نہانا او ربد ن کو صاف ستھرا رکھنا اورموئے زیرِ ناف دور کرنا مستحب ہے ۔ پندر ہویں روز کرنا بھی جائز ہے اور چالیس رو ز سے زیادہ گزار دینا مکرو ہ و ممنوع ہے ۔ (بہار شریعت،حصہ۱۶،ص۱۹۶)پیارے اسلامی بھائیو! ہوسکے تو ہر جمعہ کو یہ کام کر ہی لینے چاہیں کیونکہ ایک حدیثِ مبارک میں ہے کہ حضور تا جدارِ مدینہ ، راحتِ قلب وسینہ صلی اللہ تعالیٰ علیہ واٰلہ وسلمجمعہ کے دن نماز کے لئے جانے سے پہلے مونچھیں کترواتے اور ناخن ترشواتے ۔
