Brailvi Books

نصاب النحو

56 - 268

سبق نمبر: 17

     (۔۔۔۔۔۔جملہ فعلیہ کابیان۔۔۔۔۔۔)

جملہ فعلیہ کی تعریف:

    وہ جملہ جو فعل اور فاعل سے مرکب ہو۔ جیسے: جَاءَ زَیْدٌ۔

فائدہ:

    (۱)فعل کو''مسند''اور فاعل کو''مسند الیہ''کہتے ہیں ۔

    (۲)ہر فعل چاہے لازم ہو یا متعدی اپنے فاعل کو رفع دیتا ہے(۱)اور متعدی ہوتو فاعل کو رفع دینے کے ساتھ ساتھ مفعول بہ کو نصب بھی دیتاہے۔ جیسے:

شَرِبَ الْوَلَدُ اللَّبَنَ۔

فاعل کی تعریف:

    وہ اسم جس سے پہلے کوئی فعل یا شبہ فعل (اسم فاعل ،اسم مفعول، صفت مشبہ، اسم تفضیل یا مصدر) آجائے اور وہ فعل یا شبہ فعل اس اسم کے ساتھ قائم ہو۔ جیسے:

فاعل کبھی اسم ظاہر ہوتاہے ۔جیسے:لَمَعَ الْبَرْقُ میں الْبَرْقُ اسے ''مظہر''بھی کہتے ہیں. کبھی اسم ضمیر ہوتاہے خواہ بارز ہو یامستتر۔جیسے:ضَرَبْتُ میں تُ ضمیربارز فاعل ہے اورزَیْدٌ ضَرَبَ میں ھُوَ ضمیر مستتر فاعل ہے،اسے ''مضمر''بھی کہتے ہیں۔اور کبھی فاعل مصدر کی