Brailvi Books

نحو مِير

159 - 202

 (156)۔۔۔۔۔۔حروف زیادت:

    وہ حروف جن کے حذف کرنے سے کلام کے اصلی معنی میں فرق نہیں آتا وہ صرف تحسین کلام وغیرہ کے لیے لائے جاتے ہیں ۔ وہ صرف آٹھ ہیں :

اِنْ، اَنْ، مَا، لَا، مَنْ، کَاف ، بَاء، لاَم۔

(ف)یہ حروف بعض اوقات زائد ہوتے ہیں ، یہ نہیں کہ ہمیشہ ہی زائد ہوتے ہیں ۔

(157)۔۔۔۔۔۔حروف شرط:

    وہ حروف جو دو جملوں پر داخل ہو کر ایک کوشرط اور دوسرے کو جزا بنادیتے ہیں۔ یہ دو ہیں:

أَمَّا، لَوْ۔

 (158)۔۔۔۔۔۔استثناء:

    کسی اسم کو ماقبل کے حکم سے نکالنا۔

(159)۔۔۔۔۔۔مستثنی:

    وہ اسم جسے ماقبل کے حکم سے نکالاگیا ہواوروہ اِلَّا وغیرہ کلمات استثناء کے بعد واقع ہو۔

(160)۔۔۔۔۔۔مستثنی منہ:

    وہ اسم جس کے حکم سے دوسرے اسم کو اِلاَّ وغیرہ سے نکالا گیا ہو۔

(161)۔۔۔۔۔۔مستثنی متصل:

    وہ مستثنیٰ ہے جو اِلَّا وغیرہ کے بعد واقع ہو اور اسے متعدد کے حکم سے نکالا گیا ہو ۔ جیسے:

جَاءَ نِی الْقُوْمُ إِلاَّ زَیْداً،

زید قوم میں داخل تھا لیکن اسے قوم کے حکم(آمد)سے نکالاگیا ہے۔زید مستثنیٰ ، قوم مستثنیٰ منہ اور نکالنا استثناء ہے۔

(162)۔۔۔۔۔۔مستثنی منقطع:

    وہ مستثنیٰ ہے جواِلَّا وغیرہ کے بعد واقع ہو اور اسے متعدد کے حکم سے نہ نکالا گیا ہو۔ جیسے:

جَاءَ الْقَوْمُ إِلاَّ حِمَاراً

میں

حِمَاراً

 (گدھا)کہ وہ قوم میں داخل ہی نہیں ہے نکالنے کا کیامطلب؟