جو نحو میر پڑھنے والے طلبہ کو ازبر ہونی چاہیں
(1)۔۔۔۔۔۔مصنفِ نحو میر:
میر سید شریف جرجانی رحمہ اللہ تعالی کا نام علی اور والد ماجد کا نام محمد ہے۔آپ خاندان سادات سے ہیں۔۷۴۰ھ میں بمقام جرجان پیدا ہوئے، جو مملکت خوارزم کا ایک شہر یااسترآباد یا شیراز کا ایک قصبہ ہے۔۶ربیع الاول ۸۱۶ھمیں وصال ہوا۔مزارشریف شیرازمیں ہے۔شرح مواقف، میرقطبی، شرح مطالع، شرح کافیہ، صغری، کبری، نحو میر، اور صرف میر وغیرہ کتب آپ کی تصانیف ہیں۔
(2)۔۔۔۔۔۔نحو:
وہ علم جس سے اسم ، فعل ، اور حرف کے اعرابی اور بنائی حالات معلوم ہوں اور کلمات کو ایک دوسرے کے ساتھ مرکب کرنے کا طریقہ پتا چلے۔
(3)۔۔۔۔۔۔ نحو کا فائدہ:
عربی کلام میں لفظی غلطی کرنے سے محفوظ رہنا۔
(4)۔۔۔۔۔۔ نحو کا موضوع:
کلمہ اور کلام؛ کیونکہ نحو میں انہی دونوں کے احوال بیان کیے جاتے ہیں۔
(5)۔۔۔۔۔۔اشتقاق:
ایک لفظ سے دوسرا لفظ بنانا۔
(6)۔۔۔۔۔۔لفظ:
وہ آواز جو زبان کے مخارج حروف پر اعتماد کے سبب پیدا ہو ، انسان کی بولی۔
(7)۔۔۔۔۔۔کلمہ:
بامعنی لفظ مفرد۔