Brailvi Books

۱؎ آپ کا نام وہب ابن عبداللہ ہے،کنیت ابو جحیفہ،لڑکپن میں حضور سے ملاقات کی،کوفہ میں قیام رہا،حضرت علی نے آپ کو وزیر خزانہ بنایا،آپ کے ساتھ تمام جنگلوں میں شامل رہے،کوفہ میں     ۷۴؁ چوہتر میں وفات پائی وہاں ہی مزار ہے۔

۲؎  سفید مائل بہ سرخی خالص چٹا نہیں سر مبارک اور ڈاڑھی شریف میں بیس بال شریف سفید ہوئے جیساکہ دوسری احادیث سے ثابت ہے۔

۳؎  سر سے ناف تک حضرت حسن حضور کے ہم شکل تھے،ناف سے قدم تک حضرت حسین حضور کے ہم شکل تھے اور از سرتاپا جناب فاطمہ زہرا ہم شکل مصطفی تھیں اس لیے حضرت معاویہ امام حسن کو اپنے تخت پر بٹھاتے تھے اور آپ کا نہایت درجہ احترام فرماتے تھے،کہتے تھے کہ یہ  ہم شکل رسول آل رسول ہیں صلی اللہ علیہ و سلم رضی اللہ عنہم۔

۴؎  یعنی ہماری قوم کے لیے حضور انور سے تیرہ اونٹنیاں لے لینے کا حکم جاری فرمایا مدینہ منورہ سے کچھ دور جہاں حضورانور کی وفات کی خبر شائع ہوگئی۔

۵؎  یعنی جو اصطبل کے منتظم تھے انہوں نے ہم کو یہ اونٹنیاں نہ دیں کیونکہ حضور انور کی طرف سے ہبہ تو ہوگیا تھا مگر ابھی قبضہ نہیں ہوا تھا اور ہبہ بغیر قبضہ مکمل نہیں ہوتا اس لیے ان لوگوں کو اونٹنیاں دینے قبضہ کرانے کا حق نہ تھا۔

۶؎  جب خلافت کا معاملہ مکمل ہوگیا اور حالات پر سکون ہوگئے تب آپ نے یہ اعلان فرمایا  اس لیے  فلما قام فرمایا۔(مرقات)

۷؎  یعنی  ان اونٹنیوں پرقبضہ کرلینے کا حکم جاری فرمایا ۔خیال رہے کہ بہت سے وعدے اکیلے میں کیے جاتے ہیں جن پر گواہ نہیں ہوتے اگر جناب صدیق گواہی کی قید لگاتے تو حضور انور کے بہت سے وعدے پورے نہ ہوسکتے اس لیے انہوں نے بغیر گواہ وعدے جاری فرمائے،نیز حضرات صحابہ تمام کے تمام عادل ہیں وہاں جھوٹ کا احتمال نہیں دیکھو ہماری کتاب امیر معاویہ۔