Brailvi Books
 |
مرآۃ المناجیح شرح مشکوٰۃ المصابیح جلد اول |
روایت ہے حضرت بریدہ سے فرماتے ہیں فرمایا رسول اﷲ صلی اللہ علیہ وسلم نے کہ وہ معاہدہ جو ہمارے اوران کے درمیان ہے وہ نمازہے ۱؎ تو جس نے اسے چھوڑدیایقینًاکفرکیا۲؎ (احمد،ترمذی،نسائی،ابن ماجہ)
شرح
۱؎ ان سے مراد منافقین ہیں،یعنی مسلمانوں اورمنافقین کے درمیان نماز ہی ایک وہ چیز ہے جو منافقوں کے لئے باعث امان ہے کہ اسی وجہ سے ہم انہیں قتل نہیں کرتے اور ان پر اسلامی احکا م جاری کرتے ہیں۔اب جو منافق نمازکوچھوڑ دے گا اس کاکفرظاہرہوجائے گا اوروہ لائق قتل ہوگا۔ ۲؎ یعنی نماز کے چھوڑنے سے اس منافق کا کفرظاہرہوگیا۔یہ حدیث اس حدیث کی شرح ہے "مَنْ تَرَكَ الصَّلوٰۃَ مُتَعَمِّدًا فَقَدْکَفَرَ"اس کا مطلب یہ نہیں کہ بے نمازی کافر ہے۔