Brailvi Books

    حضرت سیِّدُنااما م محمد غزالی علیہ رحمۃ اللہ الوالی تقریباًنصف صدی آسمانِ علم وحکمت کے اُفق پر آفتاب بن کر چمکتے رہے ۔ بالآخر ۵۰۵ھـ طوس میں وصال فرماگئے۔ بوقتِ وصال آپ رحمۃ اللہ تعالیٰ علیہ کی عمر مبارک55 سال تھی۔

    خُدَا رَحْمَتْ کُنَنْدْ اِیں بَندْگانِ پَاکْ طِینَتْ رَا یعنی ا للہ تعالیٰ اپنے ان نیک خصلت بندوں پر رحمت نازل فرمائے ۔(آمین)

(اللہ عزَّوجلَّ کی ان پر رحمت ہو اور ان کے صدقے ہماری مغفرت ہو ۔آمین بجاہ النبی الامین صلَّی اللہ علیہ وسلَّم)

 (ماخوذ از اتحاف السادۃ المتّقین ، تفسیر روح البیان،فتاوی رضویہ،النبراس شرح شرح العقائد، کوثرالخیرات وغیرہا)

مقدَّمہ

    اللہ عَزَّوَجَلَّ کی تمام نعمتوں پر اور اس نے جو اپنی حمد کرنے کی توفیق عطا فرمائی اس پر اس کا شکر ہے، اور درودوسلام ہو تمام رسولوں کے سردار حضرت سیِّدُنامحمدمصطفی صلَّی اللہ تعالیٰ علیہ وآلہ وسلَّم پر جواللہ عَزَّوَجَلَّ کے نبی ،رسول اور بندۂ خاص ہیں اور آپ صلَّی اللہ تعالیٰ علیہ وآلہ وسلَّم کی آل ، اصحاب ،آپ کے خلفاء اورآپ کے وزراء پررحمتیں ہوں۔

امَّابعد!

    (حجۃالاسلام امام محمدغزالی علیہ رحمۃاللہ الوالی فرماتے ہیں) مجھ پر اپنے کچھ سفروں کے دوران یہ بات ظاہر ہوئی کہ میں اپنی کتاب ''احیاء علوم الدین'' کا خلاصہ مرتب کردوں کیونکہ اس کے بہت زیادہ ضخیم ہونے کی وجہ سے اس سے نفع حاصل کرنے میں مشکل پیش آرہی تھی پس میں نے اللہ عَزَّوَجَلَّ سے توفیق و بھلائی چاہتے ہوئے اور نبئ اَکرم صلَّی اللہ تعالیٰ علیہ وآلہ وسلَّم کی بارگاہ میں درودوسلام کا نذرانہ پیش کرتے ہوئے اس کام کا آغاز کیا۔(جوپایۂ تکمیل تک پہنچا)

    اس خلاصہ کے چالیس ابواب ہیں جو چار حصوں پرمشتمل ہیں :

    (۱)۔۔۔۔۔۔عبادات(۲)۔۔۔۔۔۔عادات(۳)۔۔۔۔۔۔مہلکات (۴)۔۔۔۔۔۔منجیات



اللہ عَزَّوَجَلَّ ہی سیدھی راہ کی توفیق بخشنے والا ہے۔