Brailvi Books
 |
کتابُ العقائد |
21 - 64
سوال : وہ کتاب کس لئے آئی ہے؟ جواب: بندوں کی رہنمائی کیلئے تاکہ بندے اللہ اور اس کے رسول کو جانیں اور ان کی مرضی کے کام کریں۔ سوال: قرآن شریف کس پر اترا؟ جواب: حضرت محمد مصطفی صلی اللہ تعالیٰ علیہ وآلہٖ وسلم پر۔ سوال: کب اُترا؟ جواب: اب سے تیرہ سو برس پہلے(۱)۔ سوال: کیا قرآن شریف کے سوا اللہ تعالیٰ نے کوئی اور کتاب بھی اُتاری تھی؟ جواب: جی ہاں۔ سوال: کون کون سی؟ جواب: سب کتابوں کے نام تو معلوم نہیں۔ مشہور کتابیں یہ ہیں۔ توریت شریف ، انجیل شریف، زبور شریف۔ سوال: کیا صحیح توریت ، صحیح انجیل اور صحیح زبور آج کل کہیں ملتی ہے؟ جواب: جی نہیں۔ سوال: کیوں؟ جواب: عیسائیوں اور یہودیوں نے ان کتابوں میں اپنی مرضی سے گھٹا بڑھا کر کچھ کا کچھ کر دیا۔ سوال: کیا صحیح قرآن شریف ملتا ہے؟ جواب: جی ہاں قرآن شریف ہر جگہ صحیح ملتا ہے۔
ــــــــــــــــــــــــــــــــــــــ (۱) یہ اس وقت ہے جب کتاب لکھی گئی تھی اب (۱۴۲۵ ہجری)تقریباً چودہ سوبرس گزرچکے۔