(۲) مَبِیْع:وہ چیز جس کو بیچا جاہے۔
(۳) بائع:کسی بھی چیز کے بیچنے والے کو"بائع "کہتے ہیں۔
(۴) مُشْتَرِی:کسی چیزکے خریدنے والے کو"مشتری" کہتے ہیں۔
(۵) دَین: ایسی چیز جو کسی کے ذمہ کسی عقد یا فعل کے سبب لازم ہو جائے "دین "ہے
مثلاً:اُدھارخرید و فروخت کی و جہ سے جو چیز ذمہ پر لازم ہو، اُسے" دَین" کہتے ہیں۔
ایسے ہی کسی کی چیز کو ہلاک کرنے پر جو ضمان(تاوان) لازم آتا ہے، اسے بھی " دین" کہتے ہیں۔ اوراسی طرح کسی سے کوئی چیز قرض لینے کی صورت میں جو چیزذ مہ پرواپس دینا لازم ٹھہرے ،اُسے بھی "دین" کہتے ہیں۔
(۶) دائن:دَین دینے والا ، قرض دینے والاـ،قرض خواہ ۔
