Brailvi Books

    جامعۃ المدینہ فیضان ِ مدینہ کے دورہ حدیث ودرجہ سابعہ کے طلبہ کے ساتھ ہونے والے ایک مدنی مذاکرہ میں شیخ طریقت ،امیرِاہل ِ سنت ،بانیئ دعوتِ اسلامی حضرت علامہ مولانا محمد الیاس عطار قادری مُدَّظِلُّہُ الْعَالِیْ سے پڑھنے کی نیت کے بارے میں سوال کیا گیا تو آپ نے جواباً بہت سی نیّتوں کی طرف توجہ دلائی جن میں سے چند یہ ہیں : 

    (۱)رضائے الٰہی عزوجل کو پیش ِ نظر رکھتے ہوئے اس نیت سے پڑھوں گاکہ ''مجھے اپنی اور ساری دنیا کے لوگوں کی اصلاح کی کوشش کرنی ہے ۔ ان شاء اللہ عزوجل '' 

    (۲)تعظیمِ علم کے لئے صاف ستھرے کپڑے پہنوں گا ۔

    (۳،۴)سادگی کو برقرار رکھتے ہوئے سنت کی تعظیم کے لئے اہتمام سے عمامہ باندھوں گا۔

     (۵،۶) تعظیمِ علم اور سنت پر عمل کے لئے خوشبو استعمال کروں گا ۔

    (۷)درجہ میں جانے سے پہلے وضو کر لیا کروں گا۔

     (۸)درجہ کے کمرے کی طرف جاتے ہوئے ہر قدم پر طالبُ العلم کی فضیلت پاؤں گا ۔

    (۹) نگاہیں جھکاکر رکھوں گا ۔

    (۱۰) راستے میں ملنے والے اسلامی بھائیوں کو سلام کروں گا ۔

    (۱۱،۱۲) موقع ملا تو نیکی کی دعوت پیش کروں گا(یعنی اَمْرٌ بِالْمَعْرُوْفِ وَنَھْیٌ عَنِ