Brailvi Books

اَللّٰھُمَّ اِنِّیْ اَسْئَلُکَ الْمُعَافَاۃَ فِی الدُّنْیَا وَالْآخِرَۃِ

ترجمہ: اے اللہ ! میں تجھ سے دنیا اور آخرت میں عا فیت کا سوال کرتاہوں ۔''

    (ابن ماجہ، کتا ب الدعا ء، باب الدعاء بالعفو ...الخ، رقم ۳۸۵۱، ج ۴، ص ۲۷۳)

(۱۳۵۷)۔۔۔۔۔۔ حضرتِ سیدنا ابن عمررضی اللہ تعالیٰ عنہما سے روایت ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا،'' اللہ عزوجل سے عافیت کا سوال کرنا اسے زیادہ محبوب ہے ۔''

(ترمذی ،کتا ب الدعوات، باب (۸۹)رقم ۳۵۲۶ ،ج ۵، ص ۳۰۶)

(۱۳۵۸)۔۔۔۔۔۔ حضرتِ سیدنا انس رضی اللہ تعالیٰ عنہ سے روایت ہے کہ ایک شخص نے سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم کی بارگاہ میں حاضر ہو کر عرض کیا، ''یارسول اللہ صلی اللہ علیہ وسلم! سب سے افضل دعا کون سی ہے؟''فرمایا ،'' اپنے رب عزوجل سے عافیت اور دنیا وآخرت کی بھلائی کا سوال کیا کرو۔''پھر اس شخص نے دوسرے دن حاضرہوکرعرض کیا ،''یا رسول اللہ صلی اللہ تعالی علیہ وآلہ وسلم سب سے افضل دعا کون سی ہے؟''فرمایا،'' اپنے رب عزوجل سے عافیت اور دنیا وآخرت کی بھلائی کا سوال کیا کرو۔''پھر تیسرے دن حاضر ہوکر اس نے یہی سوال کیا تو رسول اللہ صلی اللہ تعالی علیہ وآلہ وسلم نے پھر اس کی مثل دعا بتائی پھرفرمایا، ''جب تجھے دنیا اور آخرت میں عافیت مل جائے تو تُو کامیاب ہوگیا۔''

                          (ترمذی ،کتاب الدعوات، رقم ۳۵۲۳ ، باب (۸۹)ج۵ ،ص ۳۰۵)