(۱۱۲۰)۔۔۔۔۔۔ حضرتِ سیدنا ابن عباس رضی اللہ تعالی عنہما فرماتے ہیں کہ حضرتِ سیدنا جبرائیل علیہ السلام نبی کریم صلی اللہ تعالی علیہ وآلہ وسلم کی بارگاہ میں حاضر تھے کہ انہوں نے اپنے سر پر ایک آواز سنی تو اوپر سر اٹھایا اور عرض کیا،'' یہ آسمان کا دروازہ ہے جوآج ہی کھولا گیا ہے اس سے پہلے کبھی نہیں کھولا گیا۔'' پھر اس سے ایک فرشتہ نیچے اترا تو جبرائیل علیہ السلام نے عر ض کیا ،''یہ ایک فرشتہ ہے جو زمین کی طرف اترا ہے آج سے پہلے کبھی نہیں اترا۔'' پھر اس فرشتے نے سلام کیا اور عرض کیا،''یارسول اللہ صلی اللہ علیہ وسلم ! دو نوروں کی خوشخبری لیجئے جو آپ صلی اللہ تعالی علیہ وآلہ وسلم کو عطا کئے گئے اور آپ سے پہلے کسی بھی نبی کوعطانہ ہوئے ،وہ (سورۂ )فاتحہ اور (سورۂ) بقرہ کی آخری آیتیں ہیں،آپ ان دونوں میں سے جو بھی حرف پڑھیں گے اس کے عوض آپ صلی اللہ تعالیٰ علیہ واٰلہ وسلم پر عطائیں کی جائیں گی۔''
