(۹۴۳)۔۔۔۔۔۔ حضرتِ سیدناعبداللہ بن عمرو بن عاص رضی اللہ عنہما سے مروی ہے کہ اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم نے فرمایا،''جس نے حج نہیں کیا اس کا حج کرنا دس غزوات میں شریک ہونے سے بہتر ہے اور جس نے حج اداکرلیا اس کا غزوہ میں شریک ہونا دس حج اداکرنے سے بہتر ہے اور سمندر میں جہاد کرنا خشکی میں دس مرتبہ جہاد کرنے سے بہتر ہے اور جس نے سمندر کوپار کرلیا گویا اس نے تمام وادیاں پار کرلیں اورسمندر میں چکر اکر گر نے والااپنے خون سے لتھڑے ہوئے شخص کی طرح ہے ۔''
