Brailvi Books
 |
جنت میں لے جانے والے اعمال |
225 - 736
وَ اِذَا رَاَیۡتَ ثَمَّ رَاَیۡتَ نَعِیۡمًا وَّ مُلْکًا کَبِیۡرًا ﴿20﴾عٰلِیَہُمْ ثِیَابُ سُنۡدُسٍ خُضْرٌ وَّ اِسْتَبْرَقٌ ۫ وَّ حُلُّوۡۤا اَسَاوِرَ مِنۡ فِضَّۃٍ ۚ وَ سَقٰىہُمْ رَبُّہُمْ شَرَابًا طَہُوۡرًا ﴿21﴾اِنَّ ہٰذَا کَانَ لَکُمْ جَزَآءً وَّ کَانَ سَعْیُکُمۡ مَّشْکُوۡرًا ﴿٪22﴾
اور جب توادھر نظر اٹھائے ایک چین دیکھے اور بڑی سلطنت ان کے بدن پرہیں کریب کے سبز کپڑے اور قناویز کے اور انہیں چاند ی کے کنگن پہنائے گئے اور انہیں ان کے رب نے ستھری شراب پلائی ان سے فرمایا جائے گا یہ تمہارا صلہ ہے اور تمہاری محنت ٹھکانے لگی ۔'' (۵۹۶)۔۔۔۔۔۔ حضرتِ سیدنا عبداللہ بن عمرو بن عاص رضی اﷲ تعالی عنہمافرماتے ہیں ایک شخص نے نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم سے پوچھا ،''اسلام کا سب سے بہترین عمل کون سا ہے ؟''فرمایا ،'' کھانا کھلانااور ہرمسلمان کو سلام کرناخواہ تم اسے جانتے ہو یانہ جانتے ہو ۔''(پ29،الدھر:20تا22)
(بخاری، کتاب الایمان ،باب اطعام الطعام من الاسلام، رقم ۱۲،ج ۱، ص ۱۶ )
(۵۹۷)۔۔۔۔۔۔ حضرتِ سیدناعبداللہ بن عمرو بن عاص رضی اﷲ تعالی عنہما سے روایت ہے کہ حضورِ پاک، صاحبِ لَولاک، سیّاحِ افلاک صلَّی اللہ تعالیٰ علیہ واٰلہٖ وسلّم نے فرمایا، '' رحمن عزوجل کی عبادت کرو اور کھانا کھلایا کرو اور سلام کو عام کرو سلامتی کےساتھ جنت میں داخل ہوجاؤ گے۔ ''