Brailvi Books

    یہ بھی صحابیہ اور رسول اﷲصلی اللہ تعالیٰ علیہ واٰلہٖ وسلّم پر جان چھڑ کنے والی عورت ہیں مکہ میں جب کافروں نے مسلمانوں کو بے حد ستانا شروع کیا تو رسول اﷲصلی اللہ تعالیٰ علیہ واٰلہٖ وسلّم نے حبشہ کی طرف ہجرت کا حکم دیا چنانچہ جب لوگوں نے حبشہ کی طرف ہجرت کی تو اسماء بنت عمیس رضی اﷲ تعالیٰ عنہا نے بھی اپنے شوہر جعفر بن ابی طالب رضی اﷲ تعالیٰ عنہ کے ساتھ حبشہ کا سفر کیا اور جب رسول اﷲصلی اللہ تعالیٰ علیہ واٰلہٖ وسلّم نے مدینہ منورہ کی طرف ہجرت فرمائی تو حبشہ کے مہاجرین حبشہ سے مدینہ منورہ چلے آئے جب بی بی اسماء بنت عمیس رضی اﷲ تعالیٰ عنہا بارگاہ رسالت صلي اللہ تعالیٰ علیہ واٰلہٖ وسلّم میں حاضر ہوئیں تو حضورصلی اللہ تعالیٰ علیہ واٰلہٖ وسلّم نے ان کو صاحب الہجرتین (دو ہجرت والی) کے لقب سے سرفراز فرمایا اور اجر عظیم کی بشارت دی ۔

(الاستیعاب ،باب النساء،باب الالف۳۲۶۴،أسماء بنت عمیس،ج۴،ص۳۴۷)

(۳۴)حضرت ام رومان رضی اﷲ تعالیٰ عنہا

    یہ امیر المومنین حضرت ابوبکر صدیق رضی اﷲ تعالیٰ عنہ کی بیوی ہیں اور حضرت عائشہ اور حضرت عبدالرحمن بن ابو بکر کی ماں ہیں ان کی شکل و صورت اور ان کی بہترین عادتوں