Brailvi Books
 |
جہنم کے خطرات |
170 - 205
حدیث:۳
حضرت ابو ہریرہ رضی اللہ تعالیٰ عنہ سے روایت ہے کہ ہر ہفتہ میں دو مرتبہ بندوں کے اعمال اللہ تعالیٰ کے دربار میں پیش کئے جاتے ہیں تو اللہ تعالیٰ ہر بندہ مومن کو بخش دیتا ہے لیکن اس بندے کو کہ اس کے اور اس کے (دینی) بھائی کے درمیان بغض و کینہ ہو،اس کی اللہ تعالیٰ مغفرت نہیں فرماتا۔(کنزالعمال،کتاب الاخلاق،من قسم الاقوال،الحقدوالشحناء، الحدیث: ۷۴۴۹، الجزء الثالث،ص۱۸۷)
حدیث:۴
حضرت ابو ہریرہ رضی اللہ تعالیٰ عنہ سے روایت ہے انہوں نے کہا کہ ہر دوشنبہ اور جمعرات کو جنت کے دروازے کھولے جاتے ہیں تو اللہ تعالیٰ مشرک کے سوا اپنے ہر بندے کو بخش دیتا ہے مگر اس شخص کونہیں بخشتا جو اپنے بھائی سے بغض و کینہ رکھتا ہو۔ بلکہ اس کے بارے میں یہ فرمان صادر فرماتا ہے کہ ابھی ان دونوں کو یوں ہی رہنے دو یہاں تک کہ یہ دونوں صلح کر لیں۔(کنزالعمال،کتاب الاخلاق،من قسم الاقوال،الاکمال، الحدیث: ۷۴۵۷،الجزء الثالث،ص۱۸۷)