Brailvi Books

 (۱۵۳)۔۔۔۔۔۔ حضرت سیدنا عبداللہ بن سلام رضی اللہ عنہ فرماتے ہیں کہ جب تاجدارِمدینہ صَلَّی اللہ تَعَالیٰ علیہ وَالہٖ وَسلَّم مدینہ منورہ تشریف لائے توپہلے پہل لوگ آپ سے کتراتے تھے۔پہلے میں بھی انہی میں شامل تھا لیکن جب میں رحمۃللعلمین صَلَّی اللہ تَعَالیٰ علیہ وَالہٖ وَسلَّم کے دیدار سے مشرف ہوا تو میرے دل نے کہا یہ کسی جھوٹے کا چہرہ نہیں ہے۔ سب سے پہلی بات جو میں نے حضورسرورِکونین صَلَّی اللہ تَعَالیٰ علیہ وَالہٖ وَسلَّم سے سنی وہ یہ ہے کہ،'' کھانا کھلاؤ اورسلام عام کرو اوراپنے رشتہ داروں سے رشتہ جوڑو اوراس وقت نماز پڑھو جب لوگ آرام سے سور رہے ہوں تو تم سلامتی سے جنت میں داخل ہوجاؤگے۔''