Brailvi Books

     کیا تو نے کوئی ایسا محبو ب بھی دیکھا ہے جو اپنے محبین سے ایسا معاملہ کرتاہو یاان پر اتنا مہربان ہو؟اللہ عَزَّوَجَلَّ کی قسم! ہرگز نہیں، تو نے نہ دیکھا ہو گا،اور نہ ہی دیکھے گا۔ اس کے باوجود تو کیسے ٹھہرا ہواہے ؟یا کیسے تجھے افسوس و حسرت نہیں ہوتی؟محبوبِ خدا عَزَّوَجَلَّ وصلَّی اللہ تعالیٰ علیہ وآ لہ وسلَّم نے تجھے کتاب وسنت سے آگاہ کیا تو تُو دیکھنے والا ہو گیا۔تجھ سے جنت کا وعدہ فرمایا۔ وہ تجھے بشارت دینے والے ہیں۔پس اے حضور کی محبت کے دعوے دار! تو اپنے دعویٰ میں جھوٹا ہے۔ تجھے ان کی سنتوں سے کہاں موافقت ہے؟ تیرے افعال ان کے افعال و اقوال کے تابع کہاں ہیں؟ اللہ عَزَّوَجَلَّ کی قسم !تجھ پر ان کی پیروی کا نام ونشان تک نہیں، کیا تجھے معلوم نہیں کہ آپ صلَّی  اللہ تعالیٰ علیہ وآ لہ وسلَّم سخت بھوک میں رات بسر کرتے تھے؟ صبح تہجد کی نماز ادا کرتے تھے اور روزوں کے سبب خالی پیٹ رہتے تھے؟ آپ صلَّی  اللہ تعالیٰ علیہ وآ لہ وسلَّم پر خزانے پیش کئے گئے لیکن آپ صلَّی  اللہ تعالیٰ علیہ وآ لہ وسلَّم نے نظر اٹھا کر بھی نہ دیکھا۔ تمام رات اپنے رب عَزَّوَجَلَّ کی بارگاہ میں جاگ کر گزار دی، دستِ طلب پھیلائے اورسر جھکائے رکھا اوراپنی خلوتوں میں اپنی امت کے لئے گروہ در گروہ جنت میں داخلے کا سوال کرتے رہتے۔

تمنائے زیارت کی دُعا:

    یااللہ عَزَّوَجَلَّ! حضرتِ سیِّدُنا محمد ِ مصطفی صلَّی اللہ تعالیٰ علیہ وآ لہ وسلَّم پر اور آپ کے آل واصحاب رضوان اللہ تعالیٰ علیہم اجمعین پر درود وسلام بھیج ۔ یااللہ عَزَّوَجَلَّ! ہمیں ان کی زیارت سے بہرہ مند فرما اور آخرت میں ان کی شفاعت سے بہر مند فرما اور ہمیں ان کے