Brailvi Books
 |
حکایتیں اور نصیحتیں |
485 - 649
تعالیٰ علیہ وآلہ وسلِّم اللہ عَزَّوَجَلَّ کے بندے اور اس کے رسول ہیں، ایسے رسول کہ جن کی مبارک انگلیوں سے پانی کے چشمے جاری ہو گئے۔ اللہ عَزَّوَجَلَّ آپ صلَّی اللہ تعا لیٰ علیہ وآلہ وسلَّم پر ، آپ صلَّی اللہ تعا لیٰ علیہ وآلہ وسلَّم کے آل واصحاب رضوان اللہ تعالیٰ علیہم اجمعین پراس وقت تک اپنی رحمت نازل فرمائے جب تک حدی خواں گنگناتا رہے اور رات کو سفر کرتا رہے۔'' (آٰمِیْنْ یَا رَبَّ الْعَالَمِیْن)
مَحبّت کیا ہے؟
میٹھے میٹھے اسلامی بھائیو! جان لیجئے! بے شک محبت فکر وں سے کٹ جانے اور رازوں سے چھپ جانے کانام ہے۔ یہ خواص کے لئے نور اور عوام کے لئے نار (یعنی آگ)ہے ۔جس دل میں محبت داخل ہو جاتی ہے اُسے بے چین ومضطرب اور پریشان کر دیتی ہے۔ حُب (یعنی محبت ) دو حروف کامجموعہ ہے،حاء اور باء، حاء ''حتف'' سے ہے یعنی کاٹنا اور باء ''بلا ء'' سے ہے یعنی آزمائش۔ یہ حقیقۃً ایک بیماری ہے جس سے دوا اورشفا نکلتی ہے۔ اس کی ابتداء ''فنا ''اورانتہاء ''بقا''ہے۔ اس میں بظاہر مشقت و کُلفت ہے مگرباطنی طور پرسرور و لذت۔ یہ ناواقفوں کے لئے بدبختی و بیماری ہے جبکہ عارفوں کے لئے شفاء وتندرستی۔
اللہ عَزَّوَجَلَّ ارشاد فرماتا ہے:(1) قُلْ ہُوَ لِلَّذِیۡنَ اٰمَنُوۡا ہُدًی وَّ شِفَآءٌ ؕ وَ الَّذِیۡنَ لَا یُؤْمِنُوۡنَ فِیۡۤ اٰذَانِہِمْ وَقْرٌ وَّ ہُوَ عَلَیۡہِمْ عَمًی ؕ (پ24، حٰمۤ السجدۃ:44)