Brailvi Books

    جب حضرت سیِّدُنا عمر بن عبدالعزیز رضی اللہ تعالیٰ عنہ نے انتقال فرمایا تو مشہور عربی شاعر جریر نے آپ رضی اللہ تعالیٰ عنہ کا مرثیہ ان الفاظ میں لکھا:

؎ تَنْعٰیالنُّعَاۃُ اَمِیْرَ الْمُؤْمِنِیْنَ لَنا 			مُفَضَّلاً حَجَّ بَیْتِ اللہِ وَاِعْتَمَرَا

حَمَلَتْ أَمْرًا عَظِیْمًا فَاسْتَطَعْتُ لَہٗ 		وَسِرْتُ فِیْہٖ بِاَمْرِ اللہِ مُؤْتَمِرَا

    ترجمہ: (۱)۔۔۔۔۔۔خبر دینے والوں نے امیر المؤمنین رضی اللہ تعالیٰ عنہ کے وصال کی خبر کوحج وعمرہ کے ساتھ ملا دیا۔ انہوں نے ایک بہت بڑی بات کو برداشت کیا اور میں نے اس اَلَم ناک خبر کو محض اس وجہ سے برداشت کر لیا کہ میں احکامِ الٰہی عَزَّوَجَلَّ کی بجاآوری میں مگن تھا۔

(حلیۃ الاولیاء، عمر بن عبد العزیز، الحدیث۷۳۷۴، ج۵،ص ۳۵۵۔بتغیرٍ)

ائمۂ ہُدٰی کے ساتھ ٹھکانہ:

    مسلمہ بن عبدالملک کا بیان ہے کہ میں نے حضرت سیِّدُنا عمر بن عبدالعزیزرضی اللہ تعالیٰ عنہ کے وصال کے بعدآپ رضی اللہ تعالیٰ عنہ کو خواب میں دیکھ کر پوچھا:'' اے امیر المؤمنین! کیسے حالات پیش آئے ؟''ارشاد فرمایا: ''اے مسلمہ! اب میں فارغ ہوں، بخدا میں نے دُنیا میں کبھی آرام نہ کیا۔'' میں نے عرض کی: ''اے امیر المؤمنین! آپ اس وقت کہاں ہیں؟''جواب دیا: ''میں ہدایت یافتہ اماموں کے ساتھ جنتِ عدن میں ہوں۔''

 (تاریخ دمشق ،الرقم۵۲۴۲، عمر بن عبد العزیز، ج ۴۵،ص۲۶۲)

سبزپرچہ:

    حضرت سیِّدُنا عمر بن عبدالعزیز رحمۃاللہ تعالیٰ علیہ رات کے وقت غیر آباد مساجد میں تشریف لے جاتے اور اللہ عَزَّوَجَلَّ کی خوشنودی حاصل کرنے کے لئے نمازپڑھتے رہتے۔ جب سحری کا وقت ہوتا توپیشانی زمین پر رکھ دیتے اور مِٹی پر اپنے رخسارملنے