Brailvi Books

    حضرت سیِّدُنا وہب بن منَبِّہ رحمۃاللہ تعالیٰ علیہ فرماتے ہیں کہ'' ہمیں یہ بات معلوم ہوئی ہے کہ اس جہانِ فانی سے کوچ کرنے والا مرنے سے پہلے ان دونوں فرشتوں کو دیکھ ليتاہے جو اس کے اعمال کو دنیا میں محفوظ کیا کرتے تھے ،اگر وہ شخص بھلائی کے کام کرتا تھا تو فرشتے کہیں گے: ''اللہ عزَّوَجَلَّ تمہیں ہماری طرف سے بہترین جزا عطافرمائے تو نے ہمیں خیر و برکت کی بہت سی مجلسوں میں بٹھایا اورہمارے پاس اعمالِ صالحہ کاذخیرہ جمع کیا۔'' اور اگر وہ شخص برے کام کرتا تھا تو فرشتے کہیں گے: ''اللہ عزَّوَجَلَّ تجھے ہماری طرف سے اچھی جزاء نہ دے تو نے ہمیں شر کی بہت سی مجلسوں میں بٹھایا اور بری گفتگوسنوائی۔''اس وقت اس کی آنکھیں پتھرا جاتی ہیں پھر وہ دنیا کی طرف کبھی نہیں لوٹتا ۔

(موسوعۃ لابن ابی الدنیا،کتاب ذکر الموت، باب ملک الموت واعوانہ،ا لحدیث ۲۳۹، ج۶،ص۴۶۶۔حلیۃ الاولیاء،وھیب بن الورد، الحدیث۱۱۷۱۶، ج۸، ص۱۶0، بتغیرٍقلیلٍ)

مؤمن اور کافر کی موت میں فرق:

    حضرت سیِّدُنا براء بن عازب رضی اللہ تعالیٰ عنہ سے مروی ہے کہ ہم نبئ مُکَرَّم،نُورِ مُجسَّم، رسولِ اَکرم، شہنشاہ ِبنی آدم صلَّی اللہ تعالیٰ علیہ وآلہ وسلَّم کی معیت میں ایک انصاری شخص کے جنازے میں شریک ہوئے۔جب ہم قبر کے قریب پہنچے تو رسولِ خدا عَزَّوَجَلَّ وصلَّی اللہ تعالیٰ علیہ وآلہ وسلَّم تشریف فرما ہو گئے۔ ہم بھی آپ صلَّی اللہ تعالیٰ علیہ وآلہ وسلَّم کے گرد اس طرح بیٹھ گئے گویا ہمارے سروں پر پرندے بیٹھے ہوئے ہوں۔ آپ صلَّی اللہ تعالیٰ علیہ وآلہ وسلَّم کے دستِ اقدس میں ایک لکڑی تھی جس سے آپ صلَّی اللہ تعالیٰ علیہ وآلہ وسلَّم زمین کُرید رہے تھے۔پھرآپ صلَّی اللہ تعالیٰ علیہ وآلہ وسلَّم نے اپنا سرِانور اُٹھا کر ارشاد فرمایا: ''قبر کی آزمائش اور اس کے عذاب سے اللہ عزَّوَجَلَّ کی پناہ مانگو۔''دو یا تین مرتبہ یہی ارشاد فرمایا۔ پھر فرمایا:''بے شک بندۂ مومن جب دنیا سے کوچ کررہا ہوتا ہے تو