Brailvi Books
 |
غیبت کی تباہ کاریاں |
289 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)مجھ پر دُرُود پاک کی کثرت کروبے شک یہ تمہارے لئے طہارت ہے ۔
ایک روز میں چُھپ کر دعوتِ اسلامی کے سنّتوں بھرے اجتماع میں جا پہنچا۔ اطّلاع پا کر گھر والے آدھمکے اورمجھے وہاں سے اُٹھا کر لے گئے ۔نہ میں نے کوئی مُزاحَمَت کی اور نہ کسی کو کرنے دی کہ فساد ہوگا۔گھر لے جا کر مجھے اتنا مارا گیاکہ میں نیم بے ہوش ہوگیا۔ہوش آنے پر میں نے گھر چھوڑنے کا عزمِ مُصَمَّم کر لیا حالانکہ3 دن پہلے ہی میری سرکاری نوکری کی تقرُّری کا آرڈرموصول ہواتھا جس کے لئے میں نے سالوں محنت اور کوششیں کی تھیں۔ اب ایک طرف ذاتی مکان ،ماں باپ اور روشن مستقبل اور دوسری طرف ایمان جیسی عظیم دولت!مگر میں نے رَبُّ الاکرم عَزَّوَجَلَّ کے کرم سے ایمان کی حفاظت کی خاطر 21 مارچ 2007 کو اپنی مرضی سے ہجرت کی اور اپنا گھر چھوڑ دیا۔
اَلْحَمْدُ لِلّٰہ عَزَّوَجَلَّ
آج میں ہند کے مختلف شہروں میں عاشقانِ رسول کے ہمراہ مَدَنی قافلوں میں سنّتوں بھراسفر کر رہا ہوں اورگھر والوں کی سختی کے باعث رہ جانے والی تمام نَمازیں بھی قَضاء کرچکا ہوں۔میری خواہش تھی کہ میں بھی کبھی نَماز میں اِمامت کی سعادت حاصل کر سکوں۔