Brailvi Books

روزِ وصال نمازِ صبح پڑھ لی تھی اور ہَنُوز وقتِ ظہر باقی تھاکہ انتقال فرمایا نزع میں سب حاضرین نے دیکھا کہ آنکھیں بند کیے متواتر سلام فرماتے تھے جب چند انفاس باقی رہے ہاتھوں کو اعضائے وضو پر یوں پھیرا گویا وضو فرماتے ہیں یہاں تک کہ استنشاق بھی فرمایاسبحان اللہ!وہ اپنے طور پر حالتِ بیہوشی میں نمازِ ظہربھی ادا فرماگئے جس وقت روح پر فتوح نے جدائی فرمائی فقیر سرہانے حاضر تھا واللہ العظیم ایک نور ملیح علانیہ نظر آیا کہ سینہ سے اٹھ کر برقِ تابندہ کی طرح چہرہ پر چمکا اور جس طرح لمعانِ خورشید آئینہ میں جنبش کرتاہے یہ حالت ہوکر غائب ہوگیا اس کے ساتھ ہی روح بدن میں نہ تھی ، پچھلا کلمہ زبانِ فیضِ ترجمان سے نکلا لفظِ''اللہ'' تھا وبس اور اخیر تحریر کہ دستِ مبارک سے ہوئی

''بِسْمِ اللہِ الرَّحْمٰنِ الرَّحِیْمِ''

تھی کہ انتقال سے دوروز پہلے ایک کاغذ پر لکھی تھی بعدہ فقیر نے حضور پیرو مرشدِ برحق رضی اللہ عنہ کو رُؤیا میں دیکھا کہ حضرت والد

قُدِّسَ سِرُّہُ الْمَاجِدُ

کے مرقد پر تشریف لائے ، غلام نے عرض کی:حضور

ــــــــــــــــــــــــــــــــــــــ

1 ''صحیح البخاري''، کتاب التعبیر، باب من رأی النبي صلی اللہ علیہ وسلم في المنام، الحدیث: ۶۹۹۴، ج۴، ص۴۰۷.