Brailvi Books

 عنہا جو کہ صَدَقے کی حقدارتھیں ان کو بطورِ صَدَقہ مِلا ہوا گائے کا گوشت اگر چِہ ان کے حق میں صَدَقہ ہی تھا مگر ان کے قَبضہ کر لینے کے بعد جب بارگاہِ رسالت میں پیش کیا گیا تھا تو اُس کا حکم بدل گیا تھا اور اب وہ صَدَقہ نہ رہا تھا ۔ یوں ہی کوئی مُسْتَحِقّ شَخص زکوٰۃ اپنے قَبضے میں لے لینے کے بعد کسی بھی آدمی کو تحفۃً دے سکتا یا مسجِد وغیرہ کیلئے پیش کر سکتا ہے کہ مذکورہ مُسْتَحِقّ شخص کا پیش کرنا اب زکوٰۃ نہ رہا ، ھَدِیَّہ یا عَطِیَّہ ہو گیا ۔ فُقَہائے کرام رَحِمَہُمُ اللہُ السلام زکوٰۃ کا شَرعی حِیلہ کرنے کا طریقہ یوں ارشاد فرماتے ہیں:زکوٰۃ کی رقم مرُدے کی تَجہيز وتکفين يا مسجِدکی تعمير ميں صَرف نہيں کر سکتے کہ تَملِيكِ فقير ( یعنی فقیر کو مالِک کرنا)نہ پائی گئی ،اگر ان اُمور ميں خَرچ کرنا چاہيں تو اِس کا طریقہ يہ  ہے کہ فقير کو (زکوٰۃ کی رقم کا ) مالِک کرديں اور وہ ( تعميرِ مسجِد وغيرہ ميں )صَرف کرے، اس طرح ثو اب دونوں کو ہو گا ۔             (بہارِ شريعت حصّہ5ص25)