نور کے پیکر،تمام نبیوں کے سرور،دوجہاں کے تاجور صلی اللہ تعالیٰ علیہ وآلہ وسلم کا فرمانِ عالیشان ہے :'' مسلمان مسلمان کا بھائی ہے، نہ اس پر ظلم کرتا ہے اور نہ ہی اسے بے یارومدد گار چھوڑتاہے۔''
(صحیح مسلم ،کتاب البر و الصلۃ والآداب ،باب تحریم الظلم ،رقم ۲۵۸۰، ص ۱۳۹۴)
نور کے پیکر،تمام نبیوں کے سرور،دوجہاں کے تاجور صلی اللہ تعالیٰ علیہ وآلہ وسلم نے ارشاد فرمایا: ''مسلمان فرد واحد کی طر ح ہیں جب اس کے سرمیں تکلیف ہو تو بخار اور بے آرامی میں سارا جسم اس کا شریک ہوجاتا ہے ۔''
(صحیح مسلم ،کتاب البر و الصلۃ والآداب ،باب تراحم المؤمنین ....الخ ، رقم ۲۵۸۶،ص ۱۳۹۶)
سرکارِ مدینہ،راحتِ قلب وسینہ ،فیض گنجینہ صلی اللہ تعالیٰ علیہ وآلہ وسلم کا فرمان عالیشان ہے :'' جو سلامت رہنا چاہتا ہے اسے چاہے کہ خاموش رہنے کو لازم پکڑ لے ۔''
(شعب الایمان ،باب فی حفظ اللسان ، فصل فی فضل السکوت عمالا یعنیہ ، رقم ۴۹۳۷، ج۴ ،ص ۲۴۱)
