اے راستے سے اَنجان اور زادِ سفر سے محروم شخص ! تجھے سفر کی تیاری کرنے کے لئے مُنادِی کب جگائے گا ؟اور کب تُومال اور اولادسے کنارہ کشی کر کے خواب ِغفلت سے بیدار ہوگا ؟۔۔۔۔۔۔یا در کھ !گزری ہوئی جوانی لوٹ کر نہیں آتی،اللہ عزوجل تجھ پر رحم فرمائے تُوسواری اور زادِراہ کے بغیر سفرِ آخرت کیسے طے کریگا ؟۔۔۔۔۔۔ دمِ رخصت تجھے شرمندگی ہوگی ،۔۔۔۔۔۔جب تُومرض الموت میں مبتلا ہوجائے گا توتجھے اپنے جمع کردہ مال میں تصرُّف سے روک دیاجائے گا ،۔۔۔۔۔۔ نزع کے وقت عیادت کرنے والوں کو تیرے پاس آنے سے روک دیاجائے گا ،۔۔۔۔۔۔پھر (روح نکلنے کے بعد تجھے غسل دے کراور) کفن پہنا کر اُس تنگ وتاریک قبر میں دفنا دیا جائے گا جس سے نکلنے کا کوئی راستہ نہ ہوگا۔۔۔۔۔۔تیری صبح حسرتوں میں گزرے گی اور شام کوتجھے میدان ِ محشر کی طرف ہانکاجائے گا،۔۔۔۔۔۔ اس کے بعد ہولناکیاں ہی ہولنا کیاں ہوں گی ،اگر تُو عقل رکھتاہے تو سمجھ لے کہ تیاریئ آخرت کے لئے تجھے دوبارہ دنیا میں نہیں بھیجا جائے گا،۔۔۔۔۔۔ نیکیوں کے توشے کو غنیمت جان کیونکہ گناہوں کے انباررُسوائی کے سبب ہیں۔
اللہ تعالیٰ ارشاد فرماتا ہے:
