Brailvi Books
 |
آئینہ قیامت |
97 - 100
نے ا پنے بندوں پر انعام کئے جیسے کہ بنی اسرائیل کے لئے مَنّ و سَلْویٰ اتارنے کا دن، حضر ت سیِّدُنا موسیٰ علیٰ نبینا وعلیہ الصلوٰۃ والسلام کے لئے دریا میں راستہ بنانے کا دن۔ ان اَیاّم میں سب سے بڑی نعمت کے دن سیِّدِ عالَم صلی اللہ تعالیٰ علیہ واٰلہٖ وسلم کی وِلادت ومِعراج کے دن ہیں ان کی یا د قائم کرنا بھی اِس آیت کے حکم میں داخِل ہے۔
(مُلخصاً خزائن العرفان، ص۴۰۹)
عید میلا دالنبی صلی اللہ تعالیٰ علیہ والہ وسلم اور دعوتِ اسلامی
ميٹھے ميٹھے اسلامی بھائیو! ہم مسلمانوں کیلئے سُلطانِ مدینۂ منوَّرہ ، شَہَنْشاہِ مکّۂ مکرّمہ صلی اللہ تعالیٰ علیہ واٰلہٖ وسلم کے یومِ ولادت سے بڑھکرکون سادن'' یومِ اِنعام'' ہوگا؟ تمام نعمتیں اُنہیں کے طُفیل تو ہیں اور یہ دن عید سے بھی بہتر کہ اُنہیں کے َصدقہ میں عید بھی عید ہوئی۔ اِسی وجہ سے پِیر شریف کے دن روزہ رکھنے کا سبب ارشاد فرمایا: '' فِیْہِ وُلِدتُّ''یعنی اس دن میری ولادت ہوئی۔