کھانے کے اول آخر کھانے کا وضو کرے یعنی دونوں ہاتھ دھوئے ، کھانا شروع کرنے سے پہلے بِسْمِ اللہ شریف پڑھے،سیدھے ہاتھ سے اوراپنے سامنے سے کھائے، چھوٹے چھوٹے لقمے لے اوراچھی طرح چبا چبا کر کھائے، کھانے والوں کے چہروں کی طرف نظریں نہ جمائے (یعنی دوسروں کے لقمے نہ تاڑے )، ٹیک لگاکرنہ کھائے، بھوک سے زیادہ نہ کھائے ۔ جب پیٹ بھر جائے توہاتھ روک لے جبکہ مہمان یا جسے ابھی کھانے کی حاجت ہو، شرم محسوس نہ کریں، برتن کی ایک طرف سے کھائے، درمیان میں سے نہ کھائے، کھانے کے بعدانگلیوں کو چاٹ لے اور اللہ عَزَّوَجَلَّ کی حمد بیان کرے(یعنی کھانے کے بعد کی دعا (۱)پڑھے)، کھانا کھاتے ہوئے موت کویاد نہ کیا جائے تاکہ لوگ کھانے سے ہاتھ نہ کھینچ لیں۔
