Brailvi Books

صدقہ کرنے سے مال کم نہیں ہوگا

میٹھے میٹھے اسلامی بھائیو!دیکھا آپ نے! راہِ خدا عَزَّوَجَلَّ میں دی جانے والی چیزہرگزضائِع نہیں ہوتی آخِرت میں اجر و ثواب کی حقدار ی تو ہے ہی ، بعض اَوقات دنیا میں بھی اضافے کے ساتھ ہاتھوں ہاتھ اس کا نِعمَ البدل عطا کیا جاتا ہے۔ اور یہ یقینی بات ہے کہ راہِ خدا عَزَّوَجَلَّ میں دینے سے بڑھتا ہے گھٹتا نہیں جیسا کہ حضرتِ سیِّدُنا ابو ہُریرہ رضی اللہ تعالیٰ عنہ فرماتے ہیں، دو عالم کے مالِک و مختار، مکّی مَدَنی سرکار، محبوبِ پرورد گار عَزَّوَجَلَّ و صلَّی اللہ تعالیٰ علیہ واٰلہٖ وسلَّم نے اِرشاد فرمایا، صدقہ مال میں کمی نہیں کرتا اور اللہ تعالیٰ مُعاف کرنے کی وجہ سے بندے کی عزّت ہی بڑھاتا ہے اور جو اللہ تعالیٰ کی رِضا کی خاطِر انکساری کرتا ہے تو اللہ تعالیٰ اُسے بلندی عطا فرماتا ہے۔

        (صحیح مسلم ص ۱۳۹۷حدیث۲۵۸۸)