Brailvi Books

ترجمۂکنزالایمان: اور کتنی نشانیاں ہیں آسمانوں اور زمین میں کہ لوگ ان پر گزرتے ہیں اور ان سے بے خبر رہتے ہیں۔ اور ان میں اکثر وہ ہیں کہ اللّٰہ پر یقین نہیں لاتے مگر شرک کرتے ہوئے۔
ترجمۂکنزُالعِرفان: اور آسمانوں اور زمین میں کتنی نشانیاں ہیںجن کے پاس سے گزرجاتے ہیں اور ان سے بے خبر رہتے ہیں۔اور ان میں اکثر وہ ہیں جو اللّٰہ پر یقین نہیں کرتے مگر شرک کرتے ہوئے۔
{وَکَاَیِّنۡ مِّنۡ اٰیَۃٍ:اور کتنی نشانیاں ہیں۔} آسمانی نشانیوں سے مراد اللّٰہ عَزَّوَجَلَّ اور اس کی قوت و قدرت پر دلالت کرنے والی نشانیاں یعنی آسمان کا وجود، سورج، چاند اور ستارے ہیں اور زمینی نشانیوں سے ہلاک شدہ امتوں کے آثار مراد ہیں۔ آیت کا معنی یہ ہے کہ اے حبیب! صَلَّیاللّٰہُ تَعَالٰیعَلَیْہِوَاٰلِہٖ وَسَلَّمَ، ان لوگوں کے آپ صَلَّیاللّٰہُ تَعَالٰیعَلَیْہِوَاٰلِہٖ وَسَلَّمَ سے منہ موڑنے پر آپ تعجب نہ کریں کیونکہ ان لوگوں کا اللّٰہ تعالیٰ کی وحدانیت اور قدرت پر دلالت کرنے والی نشانیوں کا مشاہدہ کرنے کے باوجود ان سے منہ پھیرلینا اور غورو فکر کر کے عبرت حاصل نہ کرنازیادہ عجیب ہے۔ (1)
{وَمَا یُؤْمِنُ اَکْثَرُہُمْ بِاللّٰہِ:اور ان میں اکثر وہ ہیں جو اللّٰہ پر یقین نہیں کرتے۔} جمہور مفسرین کے نزدیک یہ آیت مشرکین کے رد میں نازل ہوئی کیونکہ وہ اللّٰہ تعالیٰ کے خالق اور رازق ہونے کا اقرار کرنے کے باوجود بت پرستی کرکے غیروںکو عبادت میں اللّٰہ تعالیٰ کا شریک کرتے تھے۔ (2)
اَفَاَمِنُوۡۤا اَنۡ تَاۡتِیَہُمْ غَاشِیَۃٌ مِّنْ عَذَابِ اللہِ اَوْ تَاۡتِیَہُمُ السَّاعَۃُ بَغْتَۃً وَّہُمْ لَایَشْعُرُوۡنَ ﴿۱۰۷﴾
ترجمۂکنزالایمان: کیا اس سے نڈر ہو بیٹھے کہ اللّٰہ کا عذاب انہیں آکر گھیر لے یا قیامت ان پر اچانک آجائے اور انہیں خبر نہ ہو۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…مدارک، یوسف، تحت الآیۃ: ۱۰۵، ص۵۴۷، صاوی، یوسف، تحت الآیۃ: ۱۰۵، ۳/۹۸۴، ملتقطاً۔
2…مدارک، یوسف، تحت الآیۃ: ۱۰۶، ص۵۴۷۔