Brailvi Books

{نَحْنُ اَعْلَمُ بِمَا یَسْتَمِعُوۡنَ بِہٖۤ:ہم خوب جانتے ہیں کہ وہ اسے کیوں سنتے ہیں۔} یعنی کفار سنتے بھی ہیں تو تمسخر اور تکذیب کے لئے، یہ ان کا ایک جرم ہے اور ان کا دوسرا جرم یہ ہے کہ ان میں سے کوئی آپ کو مجنوں کہتا ہے اور کوئی جادوگر اور کوئی کاہن اور کوئی شاعر۔(1)
اُنۡظُرْکَیۡفَ ضَرَبُوۡا لَکَ الۡاَمْثَالَ فَضَلُّوۡا فَلَا یَسْتَطِیۡعُوۡنَ سَبِیۡلًا ﴿۴۸﴾
 ترجمۂکنزالایمان:دیکھو انہوں نے تمہیں کیسی تشبیہیں دیں تو گمراہ ہوئے کہ راہ نہیں پاسکتے۔
ترجمۂکنزُالعِرفان: دیکھو! انہوں نے تمہارے لئے کیسی مثالیں بیان کی ہیں تو یہ گمراہ ہوئے پس یہ راستہ پانے کی طاقت نہیں رکھتے۔ 
{اُنۡظُرْ: دیکھو!} ارشاد فرمایا کہ یہ کفار حضور اکرمصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کیلئے کیسی باتیں کہتے ہیں کہ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کو ناقص صفات کے ساتھ تشبیہ دیتے ہیں جیسے جادوگر، کاہن وغیرہ کے ساتھ۔(2)
حضور پُر نور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَکی کسی صفت کو کسی گھٹیا چیز کے ساتھ تشبیہ دینا کفر ہے:
	اس سے معلوم ہوا کہ حضورِ اقدس صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کو یا آپ کی کسی صفت کو کسی گھٹیا چیز کے ساتھ تشبیہ دینا کفر ہے، جیسے سرکارِ دوعالَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَکے علمِ مبارک کومَعَاذَاللّٰہ عَزَّوَجَلَّ کوئی جانوروں کے علم سے تشبیہ دے تو یقینا ایسا شخص تَوہین کا مُرتکب ہے۔
وَ قَالُوۡۤا ءَ اِذَاکُنَّا عِظَامًا وَّ رُفَاتًا ءَ اِنَّا لَمَبْعُوۡثُوۡنَ خَلْقًا جَدِیۡدًا ﴿۴۹﴾قُلۡ کُوۡنُوۡا حِجَارَۃً اَوْ حَدِیۡدًا ﴿ۙ۵۰﴾ اَوْ خَلْقًا مِّمَّا یَکْبُرُ فِیۡ صُدُوۡرِکُمْ ۚ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…خازن، الاسراء، تحت الآیۃ: ۴۷، ۳/۱۷۶-۱۷۷، ملخصاً۔
2…بیضاوی، بنی اسرائیل، تحت الآیۃ: ۴۸،۳/۴۵۰، ملخصاً۔