Brailvi Books

بِہِمْ جَمِیۡعًا ؕ اِنَّہٗ ہُوَ الْعَلِیۡمُ الْحَکِیۡمُ ﴿۸۳﴾
ترجمۂکنزالایمان: کہا تمہارے نفس نے تمہیں کچھ حیلہ بنا دیا تو اچھا صبر ہے قریب ہے کہ اللّٰہ ان سب کو مجھ سے لا ملائے بیشک وہی علم و حکمت والا ہے۔
ترجمۂکنزُالعِرفان: یعقوب نے فرمایا: بلکہ تمہارے نفس نے تمہارے لئے کچھ حیلہ بنادیا ہے تو عمدہ صبر ہے۔ عنقریب اللّٰہ ان سب کو میرے پاس لے آئے گا بیشک وہی علم والا، حکمت والا ہے۔
{قَالَ:فرمایا۔} حضرت یعقوب عَلَیْہِ الصَّلٰوۃُ وَالسَّلَام نے فرمایا کہ چوری کی نسبت بنیامین کی طرف غلط ہے اور چوری کی سزا غلام بنانا ، یہ بھی کوئی کیا جانے اگر تم فتویٰ نہ دیتے اور تم نہ بتاتے ،  تمہارے نفس نے تمہارے لئے کچھ حیلہ بنا دیا ہے تو اب بھی میرا عمل عمدہ صبر ہے۔ عنقریب اللّٰہ  تعالیٰ حضرت یوسف عَلَیْہِ الصَّلٰوۃُ وَالسَّلَامکواور اُن کے دونوں بھائیوں کو میرے پاس لے آئے گا۔ بیشک وہی میرے افسوس اور غم کی حالت کو جانتا ہے اور اس نے کسی حکمت کی وجہ سے ہی مجھے اس میں مبتلا کیا ہے۔ (1)
وَ تَوَلّٰی عَنْہُمْ وَقَالَ یٰۤاَسَفٰی عَلٰی یُوۡسُفَ وَابْیَضَّتْ عَیۡنٰہُ مِنَ الْحُزْنِ فَہُوَکَظِیۡمٌ ﴿۸۴﴾ قَالُوۡا تَاللہِ تَفْتَؤُا تَذْکُرُ یُوۡسُفَ حَتّٰی تَکُوۡنَ حَرَضًا اَوْ تَکُوۡنَ مِنَ الْہٰلِکِیۡنَ﴿۸۵﴾ 
ترجمۂکنزالایمان: اور ان سے منہ پھیرا اور کہا ہائے افسوس یوسف کی جدائی پر اور اس کی آنکھیں غم سے سفید ہوگئیں تو وہ غصہ کھا تا رہا۔بولے خدا کی قسم آپ ہمیشہ یوسف کی یاد کرتے رہیں گے یہاں تک کہ گور کنارے جا لگیں یا جان سے گزر جائیں۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1…روح البیان، یوسف، تحت الآیۃ: ۸۳، ۴/۳۰۴-۳۰۵۔