Brailvi Books

جب عقلمند انسان ان چیزوں  میں  غور کرے گا تو وہ اپنے رب عَزَّوَجَلَّ کی نعمتوں  کی ناشکری اور اللّٰہ تعالیٰ کے ساتھ کفر کرنے کی قباحت کو جان لے گا اور اللّٰہ تعالیٰ کی نعمتوں  کا شکر کرنے اور اللّٰہ تعالیٰ پر ایمان لانے کی طرف مائل ہو گا۔( خازن،عبس،تحت الآیۃ:۱۷-۲۲،۴/۳۵۴، روح البیان،عبس، تحت الآیۃ: ۱۷-۲۲، ۱۰/۳۳۴-۳۳۶، تفسیر قرطبی، عبس، تحت الآیۃ: ۱۷-۲۲، ۱۰/۱۵۳-۱۵۴، الجزء التاسع عشر، روح المعانی، عبس، تحت الآیۃ: ۱۷-۲۲، ۱۵/۳۴۴- ۳۴۷، ملتقطاً)
كَلَّا لَمَّا یَقْضِ مَاۤ اَمَرَهٗؕ(۲۳)
ترجمۂکنزالایمان: کوئی نہیں  اس نے اب تک پورا نہ کیا جو اُسے حکم ہوا تھا۔
ترجمۂکنزُالعِرفان: یقینا اس نے اب تک پورا نہ کیا جو اللّٰہ نے اسے حکم دیا تھا ۔
{كَلَّا: کوئی نہیں ۔} اس آیت کی ایک تفسیر یہ ہے کہ کافر انسان کو تکبر کرنے سے،اس کے کفر سے ،توحید،مرنے کے بعد اٹھائے جانے اور حشر و نشر کا انکار کرنے پر اِصرار کرنے سے رو کاگیا تھا لیکن اس کافر نے اب تک اللّٰہ تعالیٰ کے اس حکم پر عمل کرتے ہوئے ایمان قبول کیا ہے اور نہ ہی وہ اپنے تکبر سے باز آیا ہے۔دوسری تفسیر یہ ہے یقینا اس کافر انسان نے اب تک ایمان قبول کرنے کاوہ کام پورا نہ کیا جو اللّٰہ تعالیٰ نے اسے حکم دیا تھا۔( تفسیرکبیر، عبس، تحت الآیۃ: ۲۳، ۱۱/۵۸، تفسیرصاوی، عبس، تحت الآیۃ: ۲۳، ۶/۲۳۱۷، ملتقطاً)
فَلْیَنْظُرِ الْاِنْسَانُ اِلٰى طَعَامِهٖۤۙ(۲۴) اَنَّا صَبَبْنَا الْمَآءَ صَبًّاۙ(۲۵) ثُمَّ شَقَقْنَا الْاَرْضَ شَقًّاۙ(۲۶) فَاَنْۢبَتْنَا فِیْهَا حَبًّاۙ(۲۷) وَّ عِنَبًا وَّ قَضْبًاۙ(۲۸) وَّ زَیْتُوْنًا وَّ نَخْلًاۙ(۲۹) وَّ حَدَآىٕقَ غُلْبًاۙ(۳۰) وَّ فَاكِهَةً وَّ اَبًّاۙ(۳۱) مَّتَاعًا لَّكُمْ وَ لِاَنْعَامِكُمْؕ(۳۲)
ترجمۂکنزالایمان: تو آدمی کو چاہئے اپنے کھانوں  کو دیکھے کہ ہم نے اچھی طرح پانی ڈالاپھر زمین کو خوب چیرا تو اس