Brailvi Books

ابھی آپ رَضِیَ اللّٰہُ تَعَالٰی عَنْہا کچھ دُور ہی گئی تھیں کہ کَرَم ہوا اور تائیدِ غیبی نے کچھ یوں دستگیری فرمائی کہ قبیلہ بنی خُزاعہ کا ایک شخص راستے میں آپ کو ملا، جس نے ایک باپردہ مسلمان خاتون کو یوں سُوئے طَیبہ عازِمِ سَفَر دیکھ کر گوارا نہ کیا کہ وہ اکیلی اس قَدْر طویل سَفَر تنہا اور پیدل کریں۔ چنانچہ اس نے اپنا اُونْٹ پیش کیا اور اس طرح آپ رَضِیَ اللّٰہُ تَعَالٰی عَنْہا عِشْق و مستی سے سَرشار جذبات لے کر مَنْزِلُوں پہ مَنْزِلیں طے کرتی آخِر دَرِ رَسول پر جا پہنچیں۔ 1
آستانہ پہ تیرے سر ہو اَجَل آئی ہو  اور اے جانِ جَہاں تو بھی تماشائی ہو2
پانچویں علامت: جان و مال کی قربانی
عِشْقِ مصطفےٰ میں جان و مال کی قربانی پیش کرنا پڑے تو قطعی طور پر دریغ نہ کیا جائے بلکہ ہر اس واسطے و ذریعے کو خَتْم کر دیا جائے جو حُصُولِ رَضا  و قُرْبِ مصطفےٰ سے مانِع ہو 3 اور اس نِدائے پُر مَسَرَّت پر یقین رکھا جائے کہ 
کی محمد سے وفا تو نے تو ہم تیرے ہیں
یہ جَہاں چیز ہے کیا لوح و قَلَم تیرے ہیں
مـــــــــــــــــــــــــــــــــــــــــــــــــــــــــــــــــــــــــدینـــہ
1………صفة الصفوة،ذكر المصطفيات من طبقات الصحابيات،ام کلثوم بنت عقبہ بن ابی معیط،  المجلد الاول، ۲/۳۹ ملخصاً
2………ذوق نعت، ص ۱۴۵
3 ……… قوت القلوب،الفصل الثانی والثلاثون، ذکر احکام المحبة…الخ، ۲/۸۹