Brailvi Books

 میں لباس اور جنت کی پوشاک ملنے کا دارومدار نیک اَعمال ہی پر ہے تو جن عورتوں نے دنیا میں نیکیوں کا ذخیرہ نہیں جمع کیا اور اچھے اَعمال سے خالی ہاتھ آخرت میں گئیں تو بھلا انہیں آخرت میں کہاں سے لباس ملے گا اس لئے وہ دنیا میں تو اگرچہ قسم قسم کے لباسوں میں ملبوس رہی ہیں مگر آخرت میں بالکل ہی ننگی ہوں  گی اس لئے حضور صلی اللہ تعالیٰ علیہ وآلہ وسلم  نے اس حدیث میں خصوصی طور پر اپنی بیویوں اور دوسری عورتوں کو اَعمالِ صالحہ کی ترغیب دی تاکہ وہ دنیا میں خدا عزوجل کی عبادت کرکے آخرت کے لباس کا سامان کرلیں۔
مسائل ِحدیث: اِس حدیث سے مندرجہ ذیل مسائل پر روشنی پڑتی ہے۔
{۱} رات میں اپنے اَہل وعِیال کو خدا عزوجل کی عبادت کے لئے جگانا مستحب ہے خصوصًا ایسی صورت میں جبکہ کسی اہم واقعہ کا ظہور ہوا ہو۔
{۲}تعجب کے مواقع پر ’’سبحان اللہ‘‘کہنا حضور صلی اللہ تعالیٰ علیہ وآلہ وسلم  کی سنت ہے۔
{۳}رات میں بھی نیکیوں کا حکم دینا اور بُرائیوں سے منع کرنا اور لوگوں کو مسائل دین بتانا جائز ہے ۔ (1)
{۴}خاص کر اپنے اہل و عیال کو نصیحت کرنا اور ان کو ترغیب و ترہیب سنانا بھی جائز ہے۔
{۵}فقط عورتوں ہی کو وعظ سنانا بھی جائز ہے۔
{۶}اگر کسی شخص کوکسی فتنہ یا کسی خوشخبری کی اطلاع ہوجائے تو لوگوں کو اس سے آگاہ کردینا جائز ہے ۔واﷲ تعالیٰ اعلم۔
خُونِ ناحق 
حدیث :۱۴
          عَنْ جَرِیْرٍ اَنَّ النَّبِیَّ صَلَّی اللّٰہُ عَلَیْہِ وَسَلَّم قَالَ لَہٗ فِیْ حَجَّۃِ الْوَدَاعِ: اِسْتَنْصِتِ 
مـــــــــــــــــــــــــــــــــــــــــــــــــــــــــــــــــــــــــدینـــہ
1…فیوض الباری،پارہ اوّل،کتاب العلم،باب العلم والعظۃ باللیل، ج۱، ص۳۶۲