Brailvi Books

اسے  جانتا ہے لہٰذا اپنے مُنْہ سے اپنی خوبیوں اور نیکیوں کا اظہار  کر کے اپنی جانوں کو ستھرا نہ بتایا جائے کہ قرآنِ کریم میں اس کی مُمانعت بیان فرمائی گئی  ہے چُنانچہ پارہ 27  سورۃُالنجم کی آیت نمبر32میں اِرشاد ہوتا ہے: ہُوَ اَعْلَمُ بِکُمْ اِذْ اَنۡشَاَکُمۡ مِّنَ الْاَرْضِ وَ اِذْ اَنۡتُمْ اَجِنَّۃٌ فِیۡ بُطُوۡنِ اُمَّہٰتِکُمْ ۚ فَلَا تُزَکُّوۡۤا اَنۡفُسَکُمْ ؕ ہُوَ اَعْلَمُ بِمَنِ اتَّقٰی ٪﴿۳۲﴾
ترجمۂ کنز الایمان:وہ تمہیں خوب جانتا ہے  تمہیں مٹی سے پیدا کیا اور جب تم اپنی ماؤں کے پیٹ میں حمل تھے تو آپ اپنی جانوں کو ستھرا نہ بتاؤ  وہ خوب جانتا ہے جو پرہیزگار ہیں ۔
اِس آیتِ مُبارَکہ کا شانِ نزول بیان کرتے ہوئے حضرتِ سیِّدُنا علّامہ عبدُ اللہ بن احمد بن محمود نسفیعَلَیْہِ رَحْمَۃُ اللّٰہ ِالْقَوِی فرماتے ہیں:یہ آیت ان لوگوں کے حق میں نازل ہوئی جو نیک اَعمال کرتے تھے اور کہتے تھے: ہماری نمازیں ، ہمارے روزے ، ہمارے حج ۔یہ(نیکیوں کے اِظہار کی ممانعت ) اس وقت ہے جبکہ بطورِ فخر و رِیا ہو۔ اگر نعمتِ الٰہی کے اِعتراف کے لیے ہوتو یہ جائز ہے کیونکہ طاعت پر مسرّت عبادت اور اس کا ذِکرکرنا شکر ہے۔اللہ  عَزَّوَجَلَّ خوب جانتاہے جوپرہیزگار ہےلہٰذا لوگوں کے جاننےاورتعریف کرنے کے بجائے اللہ  عَزَّ  وَجَلَّ کا جاننااور جزا دینا ہی کافی جانو۔(1)
مـــــــــــــــــــــــــــــــــــــــــــــــــــــــــــــــــــــــــدینـــہ
…… تفسیرِنسفی ،پ ۲۷،النجم،تحت الآية:۳۲ ،ص۱۱۸۱-۱۱۸۲