Brailvi Books

خُلَاصَۃُ النَّحْو
53 - 107
الدرس الرابع والستون
تنازُعِ فِعلَین
	کبھی دو فعلوں  کے بعد ایک اسم ظاہر آتاہے اور ان دونوں  میں  سے ہر ایک فعل اس اسم ظاہرکو اپنا معمول بنانا چاہتاہے اسی کو تنازُعِ فِعلَین کہاجاتاہے۔
	تنازُع کی چار صورتیں  ہیں : ۱۔ہر فعل فاعل چاہے: نَصَرَ وَأَکْرَمَ زَیْدٌ۔  ۲۔ہر فعل مفعول چاہے: نَصَرْتُ وَأَکْرَمْتُ زَیْدًا۔  ۳۔پہلا فعل فاعل اور دوسرا مفعول چاہے: نَصَرَ وَأَکْرَمْتُ زَیْدًا۔  ۴۔پہلا فعل مفعول اور دوسرا فاعل چاہے ۔
	ان صورتوں میں اگر دوسرے فعل کو عمل دیں  تو وہ واحد ہی رہے گا اور اسم ظاہر اس کے مطابق (مرفوع یا منصوب ) ہوگا ،اس صورت میں پہلا فعل اگرفاعل چاہتا ہو (جیسے ۱ اور ۳میں ) تووہ واحد، تثنیہ، جمع اور مذکر و مؤنث ہونے میں  اسم ظاہر کے مطابق آئے گا اور اس کا فاعل ضمیر متصل ہوگی اور مفعول چاہتا ہو (جیسے ۲ اور ۴میں ) تووہ بھی واحد ہی رہے گا اور اس کا مفعول بہ محذوف مانیں  گے جو اسم ظاہر ہی کی طرح ہوگا لیکن منصوب ۔
{…دوسرے فعل کو عمل دیااورپہلا فعل فاعل چاہتاہے…}
پہلی اور تیسری صورت کی مثالیں (اسم ظاہر مذکر)           پہلی اور تیسری صورت کی مثالیں (اسم ظاہر مؤنث)
نَــصَـرَ وَأَکْــرَمَ زَیْدٌ۔  نَـصَـرَ وَأَکْـرَمْـتُ زَیْـدًا   ۞	   نَـصَرَتْ وَأَکْـرَمَتْ ہِنْدٌ۔ نَـصَرَتْ وَأَکْـرَمْتُ ہِنْدًا
نَـصَرَا وَأَکْـرَمَ زَیْـدَانِ۔ نَصَرَا وَأَکْـرَمْتُ زَیْدَیْنِ    ۞    نَـصَرَتَا وَأَکْرَمَتْ ہِنْدَانِ۔ نَـصَرَتَا وَأَکْرَمْتُ ہِنْدَیْنِ
نَصَرُوْا وَأَکْرَمَ زَیْدُوْنَ۔ نَصَرُوْا وَأَکْرَمْتُ زَیْدِیْنَ ۞   نَصَرْنَ وَأَکْرَمَتْ ہِنْدَاتٌ۔ نَصَرْنَ وَأَکْرَمْتُ ہِنْدَاتٍ