Brailvi Books
 |
خُلَاصَۃُ النَّحْو |
34 - 107
الدرس الخامس والخمسون الف لام(اَلْ) کا بیان الف لام کی دو قسمیں ہیں : ۱۔ اسمی ۲۔ حرفی ۔ جو الف لام اسم فاعل یا اسم مفعول حدوثی پرآئے اُسے الف لام اسمی کہتے ہیں کیونکہ یہ اسم موصول کے معنی میں ہوتاہے: اَلضَّاِربُ(اَلَّذِيْ ضَرَبَ أو یَضْرِبُ) اَلْمَضْرُوْبُ(اَلَّذِيْ ضُرِبَ أو یُضْرَبُ)اورجو الف لام اِس کے علاوہ ہو اُسے الف لام حرفی کہتے ہیں : اَلْحَسَنُ، اَلْوَلَدُ۔(حر: ۵) الف لام حرفی کی دو قسمیں ہیں : ۱۔ غیرزائدہ ۲۔زائدہ۔ جوالف لام مدخول میں کوئی معنی پیدا کرے اُسے غیر زائدہکہتے ہیں : اَلْوَلَدُ۔ اور جو الف لام مدخول میں کوئی معنی پیدا نہ کرے اُسے زائدہکہتے ہیں : اَلصَعْقُ۔ الف لام زائدہ کی دو قسمیں ہیں : ۱۔ لازمی ۲۔عارضی۔ جو الف لام اپنے مدخول سے جدانہ ہوتا ہو(۱۴) اُسے لازمی کہتے ہیں :لفظ اللہُ میں اور جو الف لام اپنے مدخول سے جدا ہوتا ہواُسے عارضی کہتے ہیں : اَلْحَارِثُ۔ الف لام غیر زائدہ کی پانچ قسمیں ہیں : جس الف لام سے اِشارہ فردِ معلوم کی طرف ہو اُسے الف لام عہد خارجی کہتے ہیں : فَعَصٰی فِرْعَوْنُ الرَّسُوْلَ۔ جس الف لام سے اشارہجنس کی طرف ہو اُسے الف لام جنسی کہتے ہیں : اَلرَجُلُ خَیْرٌ مِنَ الْمَرْأَۃِ۔جس الف لام سے اشارہ جنس کے تمام اَفراد کی طرف ہواُسے الف لام استغراقی کہتے ہیں : اِنَّ الْاِنْسَانَ لَفِيْ خُسْرٍ۔