Brailvi Books
 |
فتاویٰ رضویہ جلد نمبر۸(کتاب الصلٰوۃ) |
48 - 144
مگر غالباً دورہ کی یہ حالت نہیں ہوتی اس میں بالخصوص مقصود اصلی وہ موضع بعید ہی نہیں ہوتا نہ خاص اس کے قصد پر چلتا بلکہ سب مواضع میں گشت کا ارادہ اور ہر موضع مقصود بالذات ہوتا ہے تو اگر چہ باعث سیر لحاظ جمیع ہے مگر ہر مقصود اپنی سیر خاص جزئی پر محدود موضع قریب کو جاتے ہوئے قصد مقارن اسی کےلئے ہے اور قصد بعید صرف بمعنی خیال وارادہ مآل، تو جب کسی موضع سے دوسرے تک مسیرت سفر نہیں اصلاً کوئی سیر بقصد مسیرت سفر متحقق نہ ہوئی ہاں وہ چند قصد وں سے چند سیریں ہیں جن کا مجموعہ مسیرت سفر سے زائد سہی آخرنہ دیکھا کہ علامہ بحر صاحب بحر رحمہ اﷲ تعالٰی نے مامور بالحج کے لئے دخول مکہ بغیر احرام میں اس حیلہ کا جواز نہ مانا کہ جب وہ بایں قصد چلے گا کہ یہاں سے بستان بنی عامر جاتاہوں پھر وہاں سے مکہ معظمہ چلوں گا تو اس کا یہ سفر حج کے لئے نہ ہوا، معلوم ہوا کہ مقصود سیر وہی مقصو داولٰی ہوتا ہے وبس، ولہذا ذخیرہ وہ ہندیہ میں ان لا یقصد مکۃ ( وہ مکہ کا ارادہ نہ کرے۔ ت) فرمایا تو روشن ہوا کہ بالمآل مسیرت سفر کی دوری پر جانے کا خیال سیر بقصد مسیرت سفر نہیں اورموجب سفرشرعی یہی تھی کہ متحقق نہ ہوئی۔
وبہ تبیین وﷲ الحمد ان ماذکر المولی الفاضل ابراھیم الحلبی فی الغنیۃ بما نصہ قدیفھم من التمثیل بالخلی فی اول مسئلۃ التبع ان الخلیفۃ والسلطان کغیرہ فی انہ اذا نوی السفر یصیر مسافرا یقصر، فقیل ھذا اذالم یکن فی ولایتہ، اما اذاطاف فی ولایتہ فلا یقصر ولاصح انہ لا فرق لما تقدم من فعل النبی صلی اﷲ تعالٰی علیہ وسلم والخلفاء الراشدین انھم قصروا حین سافروامن المدینۃ الی مکۃ وغیر ذٰلک، ومرادمن قال اذا اطاف فی ولایتہ لا یقصرھو ماصرح بہ حافظ الدین البزازی فی فتاوٰہ انہ اذاخرج لتفحص احوال الرعیۃ وقصد الرجوع متی حصل مقصودہ ولم یقصد مسیرۃ سفر حتی انہ فی الرجوع یقصر لوکان من مدۃ سفر ولااعتبار بمن علل بان جمیع الولایۃ بمنزلۃ مصرہ لان ھذا تعلیل فی مقابلۃ النص مع عدم الروایۃ عن احد من الائمۃ الثلثۃ فلا یسمع۱؎ فمع ان ماذکر من قصد الرجوع متی حصل مقصودہ انما ذکرہ البزازی فی مسألۃ اخری غیرالتی نقلنا عنھا وھی ماقال بعدھا وکذا الامام والخلیفۃ والامیر والکاشف لیفحص الرعیۃ وقصد کل الرجوع متی حصل مقصودہ ولم یقصد وامسیرۃ سفر قصرأتموا ۲؎ ۔ الخ لایخالف مانحن نریدہ فی شیئ فانما مقصودہ کما ھوصریح سوق کلامہ الردعلی من زعم ان الخلیفۃ لا یصیر مسافرافی ولایتہ وان قصد مسیرۃ سفر وھوامربین البطلان اما مانحن فیہ فقد بینا انہ لایصدق فیہ قصد مسیرۃ سفر فھذامما لایخالف فیہ الحلبی ولا احد فلاغبار علی ما افادہ المحقق علی الاطلاق فی الفتح والامام البزازی فی فتاوٰی والعلامۃابن الساعاتی فی الاختیار والامام ابن السمعانی فی الخزانۃ وﷲ الحمد واﷲ علی حسن الابانۃ ھکذا ینبغی التحقیق واﷲ تعالٰی ولی التوفیق۔
ﷲ الحمد اس سے یہ بھی واضح ہوگیا کہ فاضل ابراہیم حلبی نے غنیـہ میں یہ جو کہا کہ مسئلہ تبع کی ابتداء میں خلیفہ کومثال بنانے سے سمجھ آرہاہے کہ اس معاملہ ( کہ جب وہ سفر کی نیت کرے تو وہ مسافر ہو جاتا ہے اور قصر کرسکتاہے) میں خلیفہ اور سلطان دوسرے لوگوں کی طرح ہی ہیں ، کہا گیا ہے کہ یہ اس وقت ہے جب وہ اپنی ولایت میں نہ ہو، اور اگر اپنی ولایت میں دورہ کررہا ہو تو پھر قصر نہ کرے، اور اصح یہ ہے کہ کوئی فرق نہیں کیونکہ پیچھے گزرا کہ نبی اکرم صلی اﷲ تعالٰی علیہ وسلم اور خلفاء راشدین رضی اﷲ تعالٰی عنہم جب مدینہ سے مکہ وغیرہ کا سفر فرماتے تو نماز میں قصر کرتے، اور جس نے کہا '' خلیفہ اپنی ولایت میں دورہ کرے تو قصرنہ کرے'' اس کی مرادہی ہے جس کی تصریح حافظ الدین البزازی نے اپنے فتاوٰی میں کی کہ جب خلیفہ رعیت کے احوال کی خیر کے لئے نکلے اور حصول مقصود کے بعد واپس لوٹے لیکن اس نے سفر کی نیت نہ کی کہ ______ وہ وجوع میں قصر کرسکتا تھا بشرطیکہ مدّت سفر ہو اوراس شخص کا اعتبار نہیں کیا جائیگا جس نے علت بیان کرتے ہوئے کہا کہ تمام ولایت خلیفہ کے لئے اپنے شہر کی طرح ہے کیونکہ یہ علت نص کے مقابل ہے اور پھر ائمہ ثلٰثہ میں سے کسی سے بھی یہ مروی نہیں ہے لہذا یہ بات قابلِ سماعت نہیں اھ باوجود یکہ مذکورہ عبارت '' خلیفہ نے حصول مقصود کے بعد رجوع کا اردہ کیا '' کو بزازی نے اس مسئلہ کے علاوہ کے تحت ذکر کیا ہے جسے ہم نے نقل کیا ہے اور وہ یہ ہے کہ امام خلیفہ، امیر اور محتسب دورہ کریں تاکہ لوگوں کے احوال کا علم ہو اور حصول مقصود کے بعد رجوع کریں لیکن وہ سفر قصر کا ارادہ نہ کریں تو وہ پوری نماز ادا کریں گے۔ یہ تمام اس کے منافی نہیں جو ہم نے مراد لیا کیونکہ شیخ حلبی کا مقصود ( جیسا کہ ان کے سیاق کلام سے واضح ہے اس شخص کا رد ہے جس نے کہا کہ خلیفہ اپنی ولایت میں مسافر نہیں ہوسکتا خواہ وہ مسافت سفر کا ارادہ کرلے اور یہ امر واضح طور پر باطل ہے باقی ہم نے جو کچھ بیان کیا اس پرمسافتِ سفر کا ارادہ کرنا صادق نہیں آتا اور اس میں حلبی اور کوئی شخص بھی اختلاف نہیں کرسکتا ، پس محقق علی الاطلاق نے فتح ، امام بزازی نے فتاوٰی ، علامہ ابن ساعاتی نے اختیار اورامام ابن سمعانی نے خزانہ میں جو کہا اس پراب کوئی غبار نہیں رہی، اس حسن وضاحت پر اﷲ تعالٰی کی حمد ہے، تحقیق اس طرح ہونی چاہئے اور توفیق کا مالک اﷲ تعالٰی ہے۔( ت)
(۱؎ غنیۃ المستملی شرح منیۃ المصلی فصل فی صلٰوۃ المسافر مطبوعہ سہیل اکیڈمی لاہور ص ۴۱) (۲؎ فتاوٰی بزازیہ علی ہامش الفتاوٰی باب الثانی والعشرون فی السفر مطبوعہ نورانی کتب خانہ پشاور ۴/۷۲)