Brailvi Books
 |
فتاویٰ رضویہ جلد نمبر۸(کتاب الصلٰوۃ) |
100 - 144
مسئلہ۱۳۷۱: از شہر ر وہیلی ٹولہ مسئولہ طالب علم بنگالی ۲۳ شعبان۱۳۳۸ھ کیا فرماتے ہیں علمائے دین اس مسئلہ میں کہ جس گاؤں میں تعریف شہر کی صادق آئے مثلا بڑی سے بڑی مسجد میں اس کے اہل نہ جمع ہوسکیں اور گلیاں اور بازار ہوں اور اس میں چند مولوی ہوں مسئلہ دین کا جاری کرتے ہوں اور قاضی ہوکر انصاف مظلوم کاکرتے ہوں اُس گاؤں کے متصل اور گاؤں بھی ہے ایسےگاؤں میں جمعہ جائز ہے یا نہیں؟
الجواب گاؤں متصل ہونے سے کچھ نہیں ہوتا بلکہ دیہات اس کے متعلق ہوں یہ ضلع یا پرگنہ ہو اپنے اپنے طور پر فیصلہ کرنے سے شہر نہیں ہوجاتا بلکہ والیِ ملک یا اس کا مقرر کردہ حاکم ہو، اگر یہ دونوں باتیں ہیں تو اس میں جمعہ جائز و صحیح ہے ورنہ باطل وناجائز ۔واﷲ تعالٰی اعلم
مسئلہ۱۳۷۲تا۱۳۷۶: مسئولہ مکرم احمد اﷲ صاحب صدر بازار ہردوئی
کیا فرماتے ہیں علمائے دین ومفتیان شرع متین مسائل ذیل میں :
(۱) جمعہ الوداع رمضان المبارک کو نبی کریم احمد مجتبٰی محمد مصطفی صلی اﷲ تعالٰی علیہ وسلم نے خطبۃ الوداع پڑھا ہے یانہیں؟
(۲) اگرحضور محمد رسول اﷲ صلی اﷲ تعالٰی علیہ وسلم نے نہیں پڑھا ہے تو سب سے پہلے خطبہ الوداع کس نے پڑھا ہے اور اس کا موجد ومخترع کون ہے صحابہ کرام رضوان اﷲ علیہم اجمعین یا ائمہ مجتہدین فقہاء ومحدثین رحمہم اﷲ تعالٰی ۔
(۳) شریعت مقدسہ مطہرہ منورہ محمدیہ حنفیہ اہلسنت وجماعت میں خطبہ الوداع کا کیا درجہ ہے فرض، واجب، سنت ، مستحب ، مباح؟ صاف صاف مدلل تحریر فرمائیں ۔
(۴) جس جمعہ الوداع کو خطبہ الوداع نہ پڑھا جائے وہ جمعہ صحیح ہوگا یا نہیں ؟ اور تارک خطبۃ الوداع کس درجہ کا خاطی وگنہگار ہے، قابل ملامت وزجر ہے یا نہیں؟ ملامت وزجر کرنے والے توگنہگار نہ ہوں گے؟ امامت اس کی جائز ہے یا نا جائز؟
(۵) کتاب شبیہ الانسان کے ص ۲۴۴ میں لکھا ہے :
اما خواند کلماتِ حسرت وافسوس درخطبہء آخر رمضان مباح است فاما ازسلف منقول نیست وافضل ترک ست تا عوام راگمان وجوب و سنتش نگردد دریں شرط ست کہ روایت دروغ وبہتان برسول مقبول صلی اﷲ تعالٰی علیہ وسلم دراں نباشد والاحرام ہمچنانکہ این ست ؎
رمضان کے آخری جمعہ میں حسرت وافسوس کے کلمات پڑھنا مباح ہے لیکن اسلاف سے منقول نہیں، ترک افضل ہے تاکہ عوام اسے واجب یاسنت نہ بنالیں، شرط یہ ہے کہ اس میں رسالتمآب صلی اﷲ تعالٰی علیہ وسلم کی نسبت جھوٹ شامل نہ ہو ورنہ حرام ہے اور وہ یہ ہے
اکثر محمد مصطفی محبوب ومطلوبِ خدا گفتے دریں حسرتا ای ماہ رمضان الوداع
خدا کے محبوب ومطلوب محمد عربی صلی اﷲ تعالٰی علیہ وسلم
حسرت کا اظہار کرتے ہوئے کہتے اے ماہِ رمضان ! الوداع۔ (ت)
یہ فتوٰی مفتی سعد اﷲ نامی کسی بزرگ کا ہے جو۱۲۹۶ھ میں مطبع نولکشور کا نپور میں چھپا ہے جناب اس فتوٰی کے متعلق کیا فرماتے ہیں آیا صحیح قابلِ عمل ہے یا واجب الرد؟ جو کچھ ہو صاف تحریر فرمائے، بینوا توجرواالجواب (۱) الوداع جس طرح رائج ہے حضور اقدس صلی اﷲ تعالٰی علیہ وسلم سے ثابت نہیں۔ (۲) نہ صحابہ کرام ومجتہدین عظام رضی اﷲ تعالٰی عنہم سے نہ اس کا موجد معلوم، (۳) وہ اپنی حد ذات میں مباح ہے ہر مباح نیتِ حسن سے مستحب ہوجاتا ہے اور عروض وعوارض خلاف سے مکروہ سے حرام تک۔ (۴) جمعہ کے لئے خطبہ شرط ہے خاص خطبہ الوداع کوئی چیز نہیں ان کے ترک سے نماز پر کچھ اثر نہیں پڑسکتا اس کے ترک میں کچھ خلل نہیں، نہ تارک پر نہ زجروملامت روا جبکہ ترک بر بنائے وہابیت نہ ہو، ہاں اگر وہابیت ہے تو وہابی کے پیچھے نماز بیشک ناجائز محض باطل اور وہ زجر و ملامت سے بھی سخت ترکا مستحق ہے۔ (۵) اس فتوے میں جو کچھ لکھا حرف بحرف صحیح ہے سوائے اس لفظ کے کہ '' افضل ترک است'' اس کی جگہ یوں چاہئے التزامش نہ شاید گا ہے ترک ہم کنند تا عوام گمان وجوب وامتنان ؟ (اس کا الترام نہیں کرنا چاہئے کبھی اسے ترک کردیں تاکہ عوام کو وجوب یا سنت ہونے کا وہم نہ ہو، ت)