Brailvi Books

 (۱) ایک مسجد کہ اُس میں فجر کی نماز کے وقت بعد شروع ہوجانے جماعت کے اکثرنمازی آتے جاتے ہیں اور بعد حصول طہارت سنتیں فجرادا کرکے شریک جماعت ہوجاتے ہیں مگرسنتیں فجر کی خلاف قاعدہ شرعیہ ادا ہوتی ہیں صورت یہ ہے کہ ایام گرما میں اندرونی درجہ مسجد میں توبسبب گرمی کے جماعت نہیں ہوتی اکثراوقات دوسرے سائبان مسجد میں ہواکرتی ہے بسااوقات اندرونی درجہ میں سنتیں اداکرنے کے واسطے جانے کی گنجائش نہیں رہتی یابسبب شدت گرمی کے نمازی اندرجانابھی گوارانہیں کرتا ایسی شکل میں بعض واقفین تو صحن مسجد مین ستونوں کی آڑمیں سنتیں پڑھ لیتے ہیں وہ بھی چارپانچ شخص بقدر تعدادستونوں کے پڑھ سکتے ہیں مگرنمازی بعد کوآنے والے زیادہ ہوتے ہیں سب لوگ آڑستونوں کی نہیں پاتے اور بعض لوگ بوجہ عدم واقفیت یاکم توجہی کے اس کی ضرورت بھی نہیں سمجھتے اور بعض اوقات شدت گرمی سے صحن مسجد میں نمازہوتی ہے تو ستون بھی سنتوں کی آڑ کونہیں ملتے اکثربدون حائل کسی شئی کے سنتیں پڑھی جاتی ہیں مگر ازروئے اس مسئلہ فقہیہ کے کہ جماعت شروع ہوجانے کے بعد سنتیں فجر کی خارج از مسجدادا کی جائیں ہم کو عمدہ موقع حاصل ہے کہ مسجد سے ملحق چہارطرف مسجد کے چارکمرے مدرسہ کے ہیں اس طرح سے کہ فرش سے فرش ملاہے حد فاصل مابین مسجد اور مدرسہ کے صحنوں کی فصیلیں ہیں جوایک ہاتھ تخمیناً چوڑی اور ایک بالشت اونچی ہیں اورر یہ جملہ مکانات مسجد اور مدرسہ ایک احاطہ کے اندرہیں اگرہم ایک صف خواہ چٹائی صحن مدرسہ میں یاکسی کمرئہ مدرسہ میں ملحق صحن مسجد کے واسطے ادائے سنتوں فجر کے بچھادیں اور وہ لوگ جوپیچھے آتے ہیں طہارت حاصل کرکے اس چٹائی پرجومدرسہ میں خارج از مسجد بچھی ہے سنتیں فجراداکرکے شریک جماعت ہوتے جائیں توسنتیں بھی حسب قاعدہ شرعیہ اداہوں اور نمازیوں کی بھی سہولت کاباعث ہو مگرزید اس کو دوبنا پرناجائز کہتاہے، ایک یہ کہ نمازی جب مسجد کی فصیلوں پر جووضوکرنے کاموقع ہے بیٹھ کر وضو کرے گا تولابدمسجد کے صحن میں سے گزرکرمدرسہ کے صحن میں جوچٹائی بچھی ہے سنتیں اداکرنے کے واسطے جائے گا تویہ صورت خلاف شرعیہ ہے اس وجہ سے کہ بعد از اذان مسجد سے خارج ہونا جائزنہیں اس گناہ کامرتکب ہوگا سائل کہتاہے کہ اگرایسا ہی خارج ہوناہے تو اس بناپر اور بھی مسائل متفرع ہوتے ہیں وہ یہ ہیں کہ پانی لینے کاکنواں اور سقاوے اور پاکی حاصل کرنے کاغسل خانہ یہ سب کہ احاطہ مسجد کے اندرہیں مگر مسجد کے حدود فصیلوں سے باہرہیں نمازی حسب عادت مروجہ زمانہ کے اکثر اول مسجد میں آتاہے اپناکپڑا وغیرہ مسجدمیں رکھ کربعد کوپانی لے کر طہارت وضووغیرہ کرتاہے بلکہ یہ عادات زمانہ کی عام مقامات کی مساجد کے موافق ہیں تو کیایہ سب بعداذان مسجد سے خارج ہونے کے گناہ کے مرتکب ہوتے ہیں یااحاطہ مسجد کے بیرونی دروازہ سے نکلنے والا اور وہ بھی جومسجد میں واپس آنے کاقصد نہ رکھتاہو۔